Jańa Parlament: Usynystar jan-jaqty zerdelenedi

Jıynda Parlamenta­rızm ınstıtýtynyń dırektory Natalıa Pan azamattardan, sarapshylardan jáne qoǵam belsendilerinen kelip túsken usynystar jónin­degi aralyq aqparatpen bó­lis­ti. Byltyr qazan aıy­nan beri e-Otinish jáne eGov platformalaryndaǵy «Par­lamenttik reforma» ar­­naıy bólimi arqyly halyq ara­synan, sarapshylar qaýym­dastyǵynan jáne qoǵamdyq birlestikterden 600-ge jýyq usynys jınaqtal­ǵan. Atap aıtqanda, «Baıtaq» partııasy, «Jańarý» sybaılas jem­qorlyqqa qarsy jalpy­ulttyq qozǵalysy, Respýb­lıkalyq advokattar alqa­sy, «Toqtamys» advo­kattyq qaýymdastyǵy, Halyq­­aralyq arbıtraj jáne medıasııa palatasy, Par­­lamentarızmdi damytý qory, Qazaqstandyq tatarlar men bashqurttar kongresi, Eko­no­mıkalyq saıa­sat ıns­tı­týty, «Azamattyq bastama» bastamashylyq toby jáne basqa da uıymdar óz usy­nystaryn bildirdi. Buǵan qosa quqyqtanýshy ǵalymdar sarapshylyq usynymdaryn joldap, belsendilik tanytyp otyr.

Sonymen qatar Parlamen­tarızm ınstıtýtynyń dırektory azamattar men qoǵam­dyq birlestikterden par­lamenttik reformadan bólek, konstıtýsııalyq reformaǵa qatysty da bastamalar túsip jatqanyn jetkizdi.

Jumys toby jetekshisi­niń orynbasary – Prezıdent­tiń quqyqtyq máseleler jónindegi kómekshisi Erjan Jıenbaev Parlamenttiń Úkimetti, Konstıtýsııalyq Sotty, Joǵary aýdıtorlyq palatany, Ortalyq saılaý komıssııasyn jáne basqa da memlekettik organdardy jasaqtaýǵa qatysýyn retteıtin konstıtýsııalyq rásimderdiń jalpy tásilderi týraly aıtty. Bul tásil­der Jumys toby músheleri men saıası partııalar­dyń usy­nystary negizinde ázirlengen.

Jumys tobynyń múshe­leri qatarynan Marat Shı­butov, Azat Perýashev, El­nur Beısenbaev, Serik Egiz­baev, Magerram Mager­ramov, Aıdarbek Qoja­na­zarov, Marat Bashımov, Nur­lan Beknazarov, Indıra Áýbákirova, Únzıla Shapaq, Alýa Ibraeva, Bóri­han Nur­muhamedov, Leıla Jaqaeva, Vıktor Malınovskıı, Erlan Sársembaev, Aıdos Sarym, Qarlyǵash Jamanqulova óz ıdeıalary men usynystaryn ortaǵa saldy.

Jıyn sońynda Jumys tobynyń jetekshisi – Mem­lekettik keńesshi Erlan Qarın konstıtýsııalyq reforma boıynsha túpkilikti tásil­derdi ázirleý úshin kelip túsken usynystardyń barly­ǵyn jınaqtap, jan-jaqty zerdeleýdi tapsyrdy.

Anyqtama: Parlamenttik reforma jónindegi jumys toby 2025 jylǵy 8 qazanda Memleket basshysynyń ókimimen quryldy. 14 qazan­da Jumys tobynyń alǵash­qy otyrysy ótti. Ekinshi otyrys – 2 jeltoqsanda, úshin­shi otyrys – 29 jel­toq­sanda, tórtinshi otyrys 2026 jylǵy 9 qańtarda uıym­dastyryldy.