Qonaev qalasynda Prezıdenttiń tapsyrmasyna sáıkes, jol-kólik ınfraqurylymy jyl saıyn damyp keledi. Oblys ortalyǵy bolǵaly barlyq eski avtobýs jańartylyp, qala men aýyldar arasynda qatynaıtyn baǵyttar ashylyp, jolaýshylarǵa tıimdi jaǵdaı jasalyp jatyr.
Buǵan deıin qalada 9 mar-shrýt boıynsha 28 avtobýs bolsa, onyń qataryna taǵy 1 marshrýt, 5 qoǵamdyq kólik qosyldy. Jańadan ashylǵan marshrýttaǵy avtobýstar Qonaev pen Kerbulaq, Aqózek aýyldary arasynda qatynaıdy. Qalǵan 4 avtobýs qalaishilik marshrýttarǵa jiberildi. Jalpy alǵanda, halyqqa osy kúni 33 avtobýs qyzmet kórsetedi. Onyń ishinde 6 baǵyt qalaishilik bolsa, 5-eýi eldi mekenderge qatynaıdy.
Byltyr Qonaev qalasy ákimdiginiń qaýlysyna sáıkes, qala aýmaǵynda jolaýshylardy tasymaldaýǵa qatysty caralanǵan tarıfter belgilengen. Jolaýshylardyń keı sanattaryna jeńildikter qarastyrylǵan. Mysaly, stýdentter men mektep oqýshylary, zeınetkerlerdiń jolaqysyna 50% jeńildik bar. Tegin qatynaıtyn jolaýshylar qataryna kópbalaly analar, I-III toptaǵy múgedektigi bar adamdar, 18 jasqa deıingi erekshe balalar men olardy alyp júretin jolaýshylar kiredi.
Byltyr qalada 16 jańa aıalda-ma qoldanysqa berildi. Aıaldamalar tolyǵymen sıfrlandyrylǵan, beınebaqylaý kameralary, baǵyttar kórsetilgen teledıdar, aýa jeldetkishter ornatylǵan.
Almaty oblysy,
Qonaev qalasy