Dıas Táńirbegenovtiń esimi Semeı qalasynyń turǵyndaryna jaqsy tanys. О́tken jyldyń 11 sáýirinde jas jigit kópqabatty turǵyn úıde bolǵan órt kezinde erlik pen janqııarlyq tanytyp, jalyn sharpyǵan páterden kórshisin qutqaryp qaldy. Kórsetken batyldyǵy úshin ol Tótenshe jaǵdaılar mınıstrliginiń «О́rtte kórsetken qaısarlyǵy úshin» medalimen marapattaldy, dep habarlaıdy Egemen.kz.
«О́rt kezinde kómek suraǵan daýysty estidim. Jaqynda ınsýlt alyp, dármensiz kúıde jatqan kórshim birden esime tústi. Sýlap alǵan fýtbolkammen aýzy-murnymdy tumshalap, qoıý qara tútin sharpyǵan páterge kirdim de, ony alyp shyqtym. Odan keıin kóshedegi sý qubyryna shlang jalǵap, órtti óshirýge tyrystym. Biraq sýdyń qysymy álsiz bolǵandyqtan, ol múmkin bolmady. Kóp uzamaı órt sóndirýshiler kelip, órtti sóndirdi», deıdi qatardaǵy D.Táńirbegenov.
Jaqynda semeılik batyr Ishki ister mınıstrliginiń Ulttyq ulany qataryna shaqyryldy. Qazirgi ýaqytta ol Kýrchatov qalasynda ornalasqan 3514 áskerı bóliminde Otan aldyndaǵy boryshyn ótep jatyr.
Dıas ózin burynnan-aq jaýapkershiligi joǵary azamat retinde tanytyp keledi. Qoǵam qaýipsizdigi men tynyshtyǵyn qamtamasyz etetin quqyqtyq tártip áskeri qatarynda ol aldaǵy ýaqytta da qyraǵylyǵyn arttyryp, kásibı qasıetterin jetildirýdi kózdeıdi.
Ulttyq ulan sarbazy 7 tildi jetik meńgergen
Jas sarbaz belsendi sporttyq ómir saltyn ustanady jáne qyzmet barysynda dene daıyndyǵyn kóterýdi, áskerı tártip pen jaýyngerlik daǵdylardy meńgerýdi josparlap otyr. Qarýlastary erligimen elge tanylǵan adammen birge qyzmet etý maqtanysh ekenin aıtady.
Dıas qyzmet etetin áskerı bólimde shamamen 40 sarbaz strategııalyq mańyzy bar memlekettik nysandardy kúzetedi. Qazirgi ýaqytta jańadan shaqyrylǵan sarbazdar jas jaýynger kýrsynan ótip jatyr. Odan keıin áskerı ant qabyldaý rásimi ótedi.
Elimizde áskerı qyzmetkerlerdiń jalaqysy ósedi