Kúnniń kúrt sýytýyna baılanysty Aqtóbe oblysynyń polıseıleri men tótenshe jaǵdaılar qyzmetkerleri respýblıkalyq mańyzy bar tasjoldarda kúsheıtilgen jumys rejımine kóshti. Mamandardyń aýa raıy ózgerisine baılanysty alys joldarǵa shyqpaýdy eskertýlerine qaramastan, jolaýshylardyń kólikteri synyp, jolda qalyp jatqan jaǵdaılary ushyrasyp jatyr. О́tken túnde «Samara – Shymkent» avtojolynyń Yrǵyz aýdany aýmaǵynda polısııa qyzmetkerleri Reseı Federasııasynan Shymkent qalasyna baǵyt alǵan avtobýs jolaýshylaryna kómek kórsetti, dep habarlaıdy Egemen.kz.
Qatty aıaz ben boran saldarynan avtobýstyń dızel otyny qatyp, avtobýs ishindegi 13 adam aıdalada turyp qalǵan. TJD qyzmetkerleri men polıseıler olardy Qalybaı aýyly mańyndaǵy kempıngke ornalastyrdy.
Jolda qalyp qoıǵan jolaýshy qutqaryldy
Sondaı-aq ótken túni Muǵaljar aýdanynyń Ashylysaı aýylynan naýqasty alyp kele jatqan jedel járdem kóligi «Juryn – Qarakól – Ashysaı» jolynda turyp qalǵan. Shaqyrtýǵa arnaýly tehnıkamen jetken TJD mamandary joldy arshyp, dárigerlerdiń kóligin qar qursaýynan alyp shyǵyp, 1983 jyly týǵan áıel jáne onyń úsh jastaǵy sábıin aýdandyq aýrýhanaǵa jetkizdi.
Aqmola oblysynda 7 adam borannyń saldarynan jolda qalyp qoıǵan
Polısııa júrgizýshilerge jolǵa shyǵar aldynda qaýipsizdik talaptaryn saqtaýdy jáne aýa raıy habarlamasyn muqııat qadaǵalaýdy eskertkenimen, qystyń saqyrlaǵan aıazynda saqtanbaıtyn turǵyndar qatary azaıar emes.
Qaraǵandy oblysynda jolda qalyp qoıǵan 32 jolaýshy qutqaryldy