Jambyl oblysynda aýa raıynyń kúrt nasharlaýyna baılanysty respýblıkalyq mańyzy bar avtojoldyń bir bóliginde kólik qozǵalysyna shekteý qoıyldy, dep habarlaıdy Egemen.kz.
«QazAvtoJol» ulttyq kompanııasy ókilderi taratqan málimetke sáıkes, 16 qańtar kúni saǵat 09:10-nan bastap «RF shekarasy – Martók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» baǵytyndaǵy Qordaı asýynyń jańa aınalma jolynyń 159–238 shaqyrym aralyǵy (Kenen aýylynan Qaınar aýylyna deıin) kóliktiń barlyq túri úshin jabylǵan.
Qazirgi ýaqytta kólik qozǵalysy eski Qordaı asýy arqyly júzege asyrylyp jatyr. Joldy 2026 jylǵy 17 qańtar kúni saǵat 14:00-de ashý josparlanǵan.