Byltyr Medısınalyq-sanıtarlyq alǵashqy kómek (MSAK) uıymdarynyń mamandary – 1 165 meıirger jáne 553 jalpy praktıka dárigeri, ıaǵnı 1 700-den astam qyzmetker oqytýdan ótken, dep jazady Egemen.kz.
Densaýlyq saqtaý mınıstrliginiń málimetinshe, sonymen qosa joǵary oqý oryndary men kolledjderdiń 1 108 oqytýshysyn oqytý mańyzdy nátıje boldy, bul qazirgi zamanǵy daıarlyq standarttarynyń turaqty taralymyn qamtamasyz etedi. Oqytýdyń basym baǵyttary boıynsha olardyń sanyn naqty aıtyp ótsek, keńeıtilgen praktıka meıirgerlerin daıarlaý – 173, medısınalyq uıymdardy akkredıtteý – 213, pasıentterdi qoldaý jáne ishki saraptama qyzmetteriniń jumysyn uıymdastyrý – 69, sozylmaly aýrýlardy basqarý baǵdarlamasyn engizý – 5 óńirde 203 maman, zamanaýı sımýlıasııalyq tehnologııalardy qoldaný – 12 óńirde 553 maman oqytylǵan.
Atalǵan is-sharalardy iske asyrý memlekettik saıasattyń basymdyqtaryna sáıkes keledi, kadrlyq áleýetti nyǵaıtady, mamandardyń tapshylyǵyn azaıtady jáne medısınalyq kómektiń sapasyn, ásirese shalǵaı óńirlerde arttyrady.
Dárigerler qaýipsizdigine kepildik beretin zań qabyldandy