Ulttyq mýzeıde sýretshi Darııa Nurtazanyń (Kokonja) «Shaft. Jasyryn jipterdiń qupııalary» atty jeke kórmesi ashyldy. Toqyma óneriniń tylsymyna tartatyn mádenı is-shara Túrkııa Respýblıkasynyń Qazaqstandaǵy Tótenshe jáne ókiletti elshisi Mustafa Kapýdjý myrzanyń bastamasymen ótip otyr.
Kórmeniń ashylý saltanatyna Mádenıet jáne aqparat mınıstrligi Mádenıet komıtetiniń tóraǵasy Erlan Dákenov, Ulttyq mýzeı dırektorynyń mindetin atqarýshy Saıran Dúısenov, Túrkııa Respýblıkasynyń Qazaqstandaǵy Tótenshe jáne ókiletti elshisi Mustafa Kapýdjý, Ystanbul ýnıversıtetiniń Tarıhqa deıingi arheologııa kafedrasynyń meńgerýshisi Nejmı Karýl, Parlament depýtattary men zııaly qaýym ókilderi qatysty.
Kórmede Túrkııanyń Ońtústik-Shyǵys Anadoly aımaǵyna jasalǵan zertteý sapary aıasynda jınalǵan birqatar materıal usynyldy. Sondaı-aq sýretshiniń ótken men búgingi arasyndaǵy rýhanı baılanysty beıneleıtin «Kokonja» serııasyndaǵy týyndylary qoıyldy.
Saltanatty rásimde sóz alǵan Mádenıet jáne aqparat mınıstrligi Mádenıet komıtetiniń tóraǵasy Erlan Dákenov tarıh pen mádenıettiń sabaqtastyǵyn negizge alǵan halyqaralyq jobanyń mańyzdylyǵyna toqtaldy. Ol sýretshi Darııa Nurtazanyń shyǵarmashylyǵy baı tarıhı-mádenı muramen tyǵyz baılanysta ekenin atap ótip, shyǵarmashylyǵyna sáttilik tiledi.
Ekspozısııa aıasynda bir ınstallıasııalyq kıiz úı, tórt kórkem panno, sondaı-aq kórmeniń mazmunyn tereńdete túsetin mýltımedıalyq materıaldar – beınejazbalar, fotosýretter, ózge de zamanaýı vızýaldy formattarǵa kýá boldyq. Jobanyń konsepsııalyq negizinde shaft («shýrf») uǵymy jatyr. Bul arheologııada mádenı qabattardy zertteýge arnalǵan arnaıy termın.
Aıta keteıik, jobanyń jetekshileri – Mádına Serǵazına men Baýyrjan Saǵıev. Halyqaralyq kórme eki aıǵa jalǵasady.