Ońtústik Koreıanyń KAIST ýnıversıtetiniń ǵalymdary qan ketýdi bir sekýnd ishinde toqtatatyn jańa untaq ázirledi.
AGCL dep atalatyn jańa materıal dástúrli dáke men medısınalyq gýbka áser ete almaıtyn qatty qan ketetin jaralarǵa arnalǵan. Ǵalymdar muny operasııa kezinde, tabıǵı apat aımaqtarynda, dalalyq medısınada qoldanýǵa bolady deıdi. Untaq tabıǵı, bıologııalyq turǵydan úılesimdi quramnan turady. Algınat pen gellan kamedi qandaǵy kalsıımen janasqanda birden tyǵyz gıdrogelge aınalyp, jarany fızıkalyq túrde biteıdi. Sonyń nátıjesinde jara betinde qysymǵa tótep beretin qorǵanysh qabaty túziledi. Zerthanalyq synaqta AGCL óz salmaǵynan jeti ese kóp qandy sińirgen. Taǵy bir artyqshylyǵy, materıal bólme temperatýrasynda, ylǵaldy ortada eki jylǵa deıin qasıetin joǵaltpaı saqtalady.