Premer-mınıstrdiń birinshi orynbasary Roman Sklıar Pavlodar oblysyna jasaǵan jumys sapary barysynda óńirdiń negizgi energetıkalyq, ónerkásiptik jáne áleýmettik nysandaryn aralady.
Roman Sklıar Ekibastuz qalasyndaǵy jylý berý maýsymy qalaı ótip jatqanymen tanysty. Oblys ákimi Asaıyn Baıhanov jylýmen jabdyqtaý jelilerin jańǵyrtý jumystarynyń nátıjesinde jylý berý maýsymy qalypty rejimde ótip jatqanyn baıandady.
О́ńirde 2023–2025 jyldary jalpy somasy 11,3 mlrd teńgege JM-2 jáne JM-7 jylý magıstraldary qaıta jańartylǵan, onyń ishinde 6,7 mlrd teńge respýblıkalyq bıýdjetten bólingen. Gıdravlıkalyq synaqtardyń qorytyndysy boıynsha 13,5 shaqyrym jeli jóndelip, 341 aqaý joıyldy. Jergilikti bıýdjetten qosymsha 1,7 mlrd teńge bólinip, 19 shaqyrym jeli jóndeldi.
Sondaı-aq birinshi vıse-premer Ekibastuz JEO jańǵyrtý jumystarynyń barysymen tanysty. «Energy Solution Center» JShS bas dırektory Aıdarbek Qystaýbaev negizgi jabdyqtardy jóndeýdiń keshendi baǵdarlamasy jóninde baıandady.
2023–2025 jyldary munda №5-9 energetıkalyq qazandyqtar men №11-15 sý jylytý qazandyqtaryna jóndeý júrgizildi. Al №6-8 qazandyq agregattarynda aǵymdaǵy keńeıtilgen jóndeý jumystary kezeń-kezeńimen júrgizilip, jabdyqtar da qaıta jańartylǵan. Bul jumystar Úkimet rezervi men oblys ákimdiginiń qarajaty esebinen júzege asyryldy.
2026–2027 jyldary ákimshilik-turmystyq keshen salý, ekologııalyq qaýipsizdikti qamtamasyz etý úshin kúl úıindilerin qaıta jańǵyrtý, generasııalaý qýattaryn ulǵaıtý josparlanǵan.
Sıfrlandyrý men ónerkásiptik qaýipsizdikti arttyrý máselesine de erekshe nazar aýdarylyp otyr. 2025 jyly stansada qyzmetkerler úshin «aqyldy kaskalar» engizildi, al 2026 jyly eńbek qaýipsizdigin baqylaýdy kúsheıtý maqsatynda beınejetondardy engizý josparlanyp otyr. Roman Sklıar sıfrlyq sheshimderdi óndiristik baqylaý júıesine biriktirip, olardy tájirıbede qoldanýdy tapsyrdy.
Sonymen qatar Premer-mınıstrdiń birinshi orynbasary «Railways Systems KZ» holdınginiń óndiris ornynda bolyp, jalpy ınvestısııa kólemi 500 mlrd teńgege jýyqtaıtyn ($976 mln), jylyna 1 mln tonnaǵa deıin joǵary sapaly bolat óndiretin zamanaýı elektrmetallýrgııalyq zaýyttyń qurylysymen tanysty. Zaýytty iske qosý 2028 jylǵa josparlanǵan jáne 1 myńnan astam jańa jumys orny ashylady. О́nim ishki naryqpen qatar eksportqa da baǵyttalady: ónimniń 40%-ǵa jýyǵy TMD elderi men Eýroodaqqa jiberiledi.
Pavlodar JEO-2 ortalyǵynda oblys ákimi Asaıyn Baıhanov 2025–2026 jylǵy jylý berý maýsymynyń barysy týraly baıandady. Oblys ortalyǵyn jylýmen sapaly qamtamasyz etý maqsatynda uzyndyǵy 5,9 shaqyrym bolatyn JM-20A jylý magıstrali salyndy. Jylý jelilerinde gıdravlıkalyq synaqtar júrgizilip, jalpy uzyndyǵy 7,2 shaqyrym bolatyn 343 aqaý joıyldy. 2026 jyly jalpy quny 4,8 mlrd teńgege 21 shaqyrym kvartalishilik jelilerdi qaıta jańǵyrtý jáne 8,1 shaqyrym magıstraldyq jylý jelilerine aǵymdaǵy jóndeý jumystaryn júrgizý josparlanǵan.
«Pavlodarenergo» AQ bas dırektory Oleg Shemel 2025 jyly JEO-2 ortalyǵynda negizgi jabdyqtarǵa júrgizilgen jóndeý jumystary týraly esep berdi. 2026–2027 jyldary stansada jalpy quny 17,2 mlrd teńgege qazandyqtar men týrboagregattarǵa kúrdeli jóndeý, kúl tazalaý júıeleri men jaryqtandyrǵyshty qaıta jańǵyrtý, zamanaýı sıfrlyq sheshimder men IT-júıelerdi engizý josparlanǵan. Jalpy quny 18,6 mlrd teńgege osyndaı jumystar JEO-3 ortalyǵynda da júrgizý qarastyrylǵan.
Roman Sklıar jóndeý naýqany men ınvestısııalyq baǵdarlamalardyń sapaly oryndalýyn, merzimderdiń saqtalýyn, tehnologııalyq jáne ekologııalyq kórsetkishterdiń oryndalýyn qatań baqylaýdy, sondaı-aq jylý berý maýsymynyń senimdi ótýin qamtamasyz etýdi tapsyrdy.
Jumys sapary barysynda birinshi vıse-premer «Pavlodar munaı-hımııa zaýyty» JShS da bardy. PMHZ aýyr gazoılderdi óńdeý jáne ashyq munaı ónimderiniń shyǵymyn arttyrýǵa baǵyttalǵan SENIM-D jobasyn qosa alǵanda, aýqymdy jańǵyrtý jobalaryn júzege asyrýda. Buǵan qosa, kásiporynda jasandy ıntellekt sheshimderin qoldana otyryp, avtomattandyrý jáne sıfrlandyrý júıelerin engizý master-jospary ázirlengen. Zaýyt basshylyǵyna óndiristiń tıimdiligi men tehnologııalyq jaraqtandyrylýyn arttyrý jumystaryn jalǵastyrý tapsyryldy.
Jumys saparynyń sońynda Roman Sklıar Pavlodar qalasyndaǵy 2025 jyly 1 qyrkúıekte «Bolashaq mektebi» memlekettik baǵdarlamasy aıasynda ashylǵan №48 jalpy bilim beretin mekteptiń qyzmetimen tanysty. Mektep 1200 oqýshyǵa arnalǵan jáne zamanaýı sıfrlyq ári ınklıýzıvti ınfraqurylymmen jabdyqtalǵan. Birinshi vıse-premer balalardyń jan-jaqty damýy úshin teń jáne qolaıly jaǵdaı jasaýdyń mańyzdylyǵyn atap ótti.
Jumys sapary Pavlodar oblysynyń turaqty áleýmettik-ekonomıkalyq damýyna baǵyttalǵan energetıka, ónerkásip jáne áleýmettik ınfraqurylym salalaryndaǵy negizgi jobalardyń iske asyrylý barysyn keshendi túrde baǵalaýǵa múmkindik berdi.