Qazaqstanda jyldyq ınflıasııa 10 óńirde baıaýlaǵan, 7 óńirde jedeldegen, al 3 óńirde burynǵy deńgeıinde saqtalǵan, dep habarlaıdy Egemen.kz Ulttyq banktiń baspasóz qyzmetine silteme jasap.
2025 jylǵy jeltoqsanda azyq-túlik taýarlarynyń baǵasy jyldyq mánde 13,5% boldy (qarashada – 13,4%). Bul taýarlar toby boıynsha eń joǵary baǵa ósimi Ulytaý oblysynda tirkeldi – 16,5%, al eń tómen kórsetkish Almaty oblysynda qalyptasty – 11,8%.
Jeltoqsan qorytyndysy boıynsha azyq-túlikke jatpaıtyn taýarlar baǵasynyń jyldyq ósim qarqyny 11,1%-ǵa deıin baıaýlady (qarashada – 11,2%). Eń joǵary mán Aqmola oblysynda – 13,2%, eń tómeni Batys Qazaqstan oblysynda – 8,6% boldy.
Aqyly qyzmetter baǵasynyń jyldyq ósimi jeltoqsanda 12,0%-ǵa deıin tómendedi (qarashada – 12,3%). Bul rette respýblıkalyq ortasha deńgeıden edáýir tómen ósim Mańǵystaý oblysynda baıqaldy – 8,7%.
Jalpy, Qazaqstanda 2025 jylǵy ınflıasııa deńgeıi 12,3%-dy qurady, al jeltoqsan aıyndaǵy ınflıasııa – 0,9%.