2015 jylǵy 31 shilde Astana, Úkimet Úıi
«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasyn iske asyrý jónindegi sharalar týraly
«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasyn bekitý, «Bıznestiń jol kartasy 2020» iske asyrý jónindegi keıbir sharalar týraly» Qazaqstan Respýblıkasy Úkimetiniń 2010 jylǵy 10 maýsymdaǵy № 556 qaýlysyna ózgerister engizý jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly» Qazaqstan Respýblıkasy Úkimetiniń 2015 jylǵy 31 naýryzdaǵy № 168 qaýlysyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy sheńberinde shaǵyn kásipkerlik sýbektilerine mıkrokredıt berý qaǵıdalary;
2) Mıkroqarjy uıymdarynyń mıkrokredıtteri boıynsha syıaqy mólsherlemesin sýbsıdııalaý qaǵıdalary;
3) Bankterdiń mıkroqarjy uıymdaryna bergen kredıtteri boıynsha ishinara kepildik berý qaǵıdalary;
4) «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasynyń sheńberinde jeke kásipkerlik sýbektilerin ıslam bankteri qarjylandyrǵan kezde ıslam bankteriniń tabysyn quraıtyn taýarlarǵa ústeme baǵanyń bir bóligin jáne jalgerlik tólemniń bir bóligin sýbsıdııalaý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2015 jylǵy 31 shildedegi №599 qaýlysymen bekitilgen
«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy sheńberinde shaǵyn kásipkerlik sýbektilerine
mıkrokredıt berý qaǵıdalary
1. Jalpy erejeler
1. Osy «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy sheńberinde shaǵyn kásipkerlik sýbektilerine mıkrokredıt berý qaǵıdalary (budan ári – Qaǵıdalar) óz qyzmetin monoqalalarda, shaǵyn qalalarda, sondaı-aq aýyldyq eldi mekenderde júzege asyratyn shaǵyn kásipkerlik sýbektilerine mıkrokredıt berý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) Baǵdarlamanyń óńirlik úılestirýshisi – oblys (astana, respýblıkalyq mańyzy bar qala) ákimi aıqyndaıtyn oblystyq (astana, respýblıkalyq mańyzy bar qala) deńgeıde «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasynyń iske asyrylýyna jaýapty jergilikti atqarýshy organnyń qurylymdyq bólimshesi;
2) mıkrokredıt berý jónindegi ýákiletti uıym (budan ári – MÝU) – ulttyq basqarýshy holdıng jáne aksııalarynyń júz paıyzy ulttyq basqarýshy holdıngke tıesili zańdy tulǵalar, sondaı-aq memleket júz paıyz qatysatyn, banktik operasııalardyń jekelegen túrlerin júzege asyratyn, Qazaqstan Respýblıkasynyń zańnamasyna sáıkes ekonomıkanyń belgili bir salalarynda memlekettik ınvestısııalyq saıasatty iske asyrýǵa ýákiletti uıymdar;
3) kásipkerlik jónindegi ýákiletti organ (budan ári – ýákiletti organ) – jeke kásipkerlikti damytý men qoldaý salasyndaǵy basshylyqty jáne salaaralyq úılestirýdi júzege asyratyn memlekettik organ;
4) mıkroqarjy uıymy (budan ári – MQU) – kommersııalyq uıym bolyp tabylatyn, resmı mártebesi ádilet organdarynda memlekettik tirkelý jáne eseptik tirkeýden ótý arqyly aıqyndalatyn, mıkrokredıtter berý jónindegi qyzmetti, sondaı-aq Qazaqstan Respýblıkasynyń zańdarynda ruqsat etilgen qyzmettiń qosymsha túrlerin júzege asyratyn zańdy tulǵa.
3. Myna:
1) motorly kólik quraldaryn shyǵarýdy jáne ózi ósirgen júzimnen sharap óndirýdi kózdeıtin jobalardy qospaǵanda, aksızdeletin taýarlardy/ónimderdi shyǵarýdy júzege asyratyn;
2) Qazaqstan Respýblıkasy Úkimetiniń 2014 jylǵy 31 jeltoqsandaǵy № 1434 qaýlysyna sáıkes monıtorıngke jatatyn iri salyq tóleýshilerdiń tizbesine engizilgen metallýrgııa ónerkásibindegi jobalardy iske asyratyn;
3) qıyrshyqtas jáne qum karerlerin ıgerýge arnalǵan jobalardy qospaǵanda, óz qyzmetin taý-ken óndirý ónerkásibinde júzege asyratyn shaǵyn kásipkerlik sýbektilerin;
4) quryltaıshylary ulttyq basqarýshy holdıngter, ulttyq kompanııalar jáne aksııalarynyń (jarǵylyq kapıtalyna qatysý úlesteriniń) elý jáne odan kóp paıyzy memleketke, ulttyq basqarýshy holdıngke, ulttyq holdıngke, ulttyq kompanııaǵa (áleýmettik-kásipkerlik korporasııany qospaǵanda) tikeleı nemese janama túrde tıesili uıymdar bolyp tabylatyn kásipkerlerdi, sondaı-aq menshik nysany jeke menshik mekeme retinde resimdelgen zańdy tulǵalardy qospaǵanda, MÝU/MQU monoqalalarda jáne shaǵyn qalalarda, aýyldyq eldi mekenderde qyzmetin júzege asyratyn shaǵyn kásipkerlik sýbektilerine mıkrokredıtter beredi.
4. Shaǵyn kásipkerlik sýbektilerine mıkrokredıt berý MÝU nemese MQU arqyly júzege asyrylady.
MQU shaǵyn kásipkerlik sýbektilerine mıkrokredıt berýdi MÝU kredıt resýrstaryn bergennen keıin júzege asyrady.
2016 jylǵy 1 qańtardan bastap MÝU-nyń shaǵyn kásipkerlik sýbektilerine mıkrokredıt berýine ruqsat etilmeıdi.
2. Mıkrokredıtter berý tártibi
5. Shaǵyn kásipkerlik sýbektisi Qazaqstan Respýblıkasy Úkimetiniń 2015 jylǵy 31 naýryzdaǵy № 168 qaýlysymen bekitilgen «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy (budan ári – Baǵdarlama) sheńberinde mıkrokredıt berý máselesi boıynsha konsýltasııalar alý úshin MÝU-ǵa nemese MQU-ǵa júginedi.
6. Shaǵyn kásipkerlik sýbektisi jobanyń bıznes-josparyn ázirleıdi jáne Baǵdarlamaǵa qatysýshylarǵa mıkrokredıt berý quqyǵyn alǵan MÝU-ǵa nemese MQU-ǵa mıkrokredıt alýǵa ótinimmen júginedi.
7. MÝU nemese MQU 10 (on) jumys kúni ishinde jobany baǵalaýdy júrgizedi, qorytyndy beredi jáne mıkrokredıt berý múmkindigi (nemese múmkin emestigi) týraly sheshim qabyldaıdy.
8. MÝU-nyń mıkrokredıt berý múmkindigi (nemese múmkin emestigi) týraly sheshim qabyldaýy shaǵyn kásipkerlik sýbektileri jobalarynyń osy Qaǵıdalardyń talaptaryna sáıkes bolýy negizinde júzege asyrylady.
MÝU-nyń shaǵyn kásipkerlik sýbektileriniń jobalary boıynsha teris sheshim qabyldaýy úshin:
1) Baǵdarlama talaptaryna sáıkes kelmeýi;
2) osy Qaǵıdalardyń 10-tarmaǵynyń 2) tarmaqshasynda kórsetilgen mıkrokredıtterdiń nysanaly maqsatyna sáıkes kelmeýi;
3) mıkrokredıtterdiń tutynýshylyq maqsattarǵa, aldyńǵy kredıtterdi óteýge, turǵyn jyljymaıtyn múlik, jer ýchaskesin satyp alýǵa jáne jaldaý aqysyn tóleýge baǵyttalýy;
4) merzimdilikti, qaıtarymdylyqty, aqylylyqty qamtamasyz etetin málimetterdiń bolmaýy jáne kredıt qarajatynyń qamtamasyz etilmeýi negiz bolyp tabylady.
9. Mıkrokredıt berý týraly oń sheshim qabyldanǵannan keıin MÝU nemese MQU 10 (on) jumys kúni ishinde Qazaqstan Respýblıkasynyń azamattyq zańnamasyna sáıkes shaǵyn kásipkerlik sýbektisimen mıkrokredıt berý týraly shart jasasady.
3. Mıkrokredıtter berý sharttary
10. Baǵdarlamaǵa qatysýshylarǵa mıkrokredıt berý mynadaı sharttardy qamtıdy:
1) mıkrokredıtter qaıtarymdy negizde beriledi;
2) mıkrokredıtterdiń nysanaly maqsaty – jeke isin uıymdastyrý nemese keńeıtý/salalyq shekteýlersiz aınalym kapıtalyn tolyqtyrý;
3) mıkrokredıtter tutynýshylyq maqsatqa, aldyńǵy kredıtterdi óteýge, turǵyn jyljymaıtyn múlik, jer ýchaskesin satyp alýǵa jáne jaldaý aqysyn tóleýge berilmeıdi;
4) mıkrokredıt berý merzimi – 5 (bes) jyldan aspaıdy;
5) mıkrokredıttiń eń kóp somasy 10000000 (on mıllıon) teńgeden aspaıdy;
6) sońǵy qaryz alýshyǵa negizgi boryshty óteý boıynsha jeńildikti kezeń berilýi múmkin, ol mıkrokredıt merzimi uzaqtyǵynyń úshten birinen aspaýǵa tıis;
7) sońǵy qaryz alýshy úshin mıkrokredıt boıynsha jyldyq nomınaldy syıaqy mólsherlemesi 12 %-dan aspaýǵa tıis.
4. MQU-nyń kredıt berý tártibi men sharttary
11. Respýblıkalyq bıýdjetten bıýdjettik kredıt Baǵdarlamanyń óńirlik úılestirýshisine mynadaı sharttar boıynsha beriledi:
1) qaıtarymdylyq, merzimdilik jáne aqylylyq qaǵıdattarynda 0,01 % jyldyq syıaqy mólsherlemesimen 5 jylǵa;
2) kredıt berý merzimi – 5 jyldan aspaıdy;
3) ıgerý kezeńi – Baǵdarlamanyń óńirlik úılestirýshisi bıýdjettik kredıtti alǵan sátten bastap 5 jyl;
4) bıýdjettik kredıttiń nysanaly maqsaty – jeke isin uıymdastyrý nemese keńeıtý/ salalyq shekteýlersiz aınalym kapıtalyn tolyqtyrý;
5) MÝU/MQU kredıt boıynsha negizgi boryshty óteýge jeńildikti kezeń usynýy múmkin, ol kredıt berý merzimi uzaqtyǵynyń úshten birinen aspaıdy.
12. Baǵdarlamanyń óńirlik úılestirýshisi MÝU-ǵa kredıt beredi jáne onymen kredıt berý týraly kelisim jasasady. MÝU úshin kredıt boıynsha jyldyq syıaqy mólsherlemesi 0,01 % mólsherinde belgilenedi.
13. MÝU osy Qaǵıdalarǵa 1-qosymshada kórsetilgen ólshemsharttarǵa sáıkes MQU-ǵa kredıt resýrstaryn beredi. Bul rette, Baǵdarlama sheńberinde kredıt berýge osy Qaǵıdalarǵa 1-qosymshada kórsetilgen ólshemsharttarǵa sáıkes 30 jáne odan joǵary ball alǵan MQU ruqsat alady.
14. MQU arnalǵan kredıt boıynsha jyldyq eń úlken nomınaldy syıaqy mólsherlemesin MÝU belgileıdi, biraq ol 4 %-dan aspaıdy.
15. MQU men MÝU arasynda ýákiletti organ bekitetin nysan boıynsha kredıttik shart jasalady.
16. Mıkrokredıt berýdi MÝU júzege asyrǵan jaǵdaıda kredıttik shart tikeleı MÝU men shaǵyn kásipkerlik sýbektileri arasynda jasalady.
17. MÝU kredıt resýrstaryn MQU-ǵa merzimdilik, qaıtarymdylyq, aqylylyq, qamtamasyz etý jáne maqsatqa saı paıdalaný sharttarynda beredi.
5. Monıtorıng
18. MQU berilgen kredıtter boıynsha MÝU-ǵa aı saıynǵy negizde aqparat beredi.
19. MÝU MQU-ǵa berilgen bıýdjettik kredıtterdiń, sondaı-aq:
1) rastaıtyn qujattar kóshirmesin qosa berý qajettiligin kórsete otyryp, qarajatty maqsatty paıdalaný týraly aqparatty suratý;
2) bıýdjettik kredıt/mıkrokredıt berilgennen keıin MQU-ǵa alýshylarǵa barý (bir bıýdjettik kredıt/mıkrokredıt boıynsha bir retten artyq barýyna ruqsat etilmeıdi) arqyly qaryz alýshylarǵa berilgen mıkrokredıtterdiń maqsatty paıdalanylýyn monıtorıngteýdi júzege asyrady.
20. Monıtorıng nátıjeleri boıynsha MÝU osy Qaǵıdalarǵa 2-qosymshada kórsetilgen nysan boıynsha ýákiletti organǵa toqsan saıyn esep beredi.
«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy sheńberinde shaǵyn kásipkerlik sýbektilerine
mıkrokredıt berý qaǵıdalaryna 1-qosymsha
Mıkrokredıt berý jónindegi ýákiletti uıymnyń mıkroqarjy uıymdaryna
kredıt resýrstaryn berý ólshemsharttary
R/s № Irikteý ólshemsharttary Kórsetkishtiń máni
1 ball 2 ball 3 ball 4 ball 5 ball 6 ball 7 ball 8 ball 9 ball 10 ball
1 2 3 4 5 6 7 8 9 10 11 12
1. Belsendi klıentterdiń sany (birlik) (máni qanshalyqty joǵary bolsa, baly sonshalyqty joǵary bolady) 50-ge deıin 51-den 100-ge deıin 101-den 150-ge deıin 151-den 200-ge deıin 201-den 250-ge deıin 251-den 300-ge deıin 301-den 350-ge deı in 351-den 400-ge deı in 401-den 450-ge deıin 450 jáne odan joǵa ry
2. Berilgen mıkrokredıtter diń ortasha mólsheri (myń teńge) (máni qanshalyqty az bolsa, baly sonshalyqty joǵary) 3 001-den jáne joǵary 2 501-den 3 000-ǵa deıin 2 001-den 2 500-ge deıin 1 601-den 2 000-ǵa deıin 1 201-den 1 600-ge deıin 801-den 1 200-ge deıin 401-den 800-ge deı in 201-den 400-ge deı in 101-den 200-ge deıin 100-ge deıin
3. Menshik kapıtaldyń jetkilikti koeffısenti (K1) (táýelsizdik koeffısenti) (araqatynasy qanshalyqty joǵary bolsa, baly sonshalyqty joǵary)
0,02 0,04 0,06 0,08 0,1 0,12 0,14 0,16 0,18 0,2
1 2 3 4 5 6 7 8 9 10 11 12
4. Qorjyn táýekeli (%) (negizgi borysh boıynsha óteý merzimi 30 kúnnen artyq keshiktirilgen aǵymdaǵy bereshegi bar mıkrokredıttiń MQU-nyń jalpy nesıe qorjynyna araqatynasy) (máni qanshalyqty joǵary bolsa, baly sonshalyqty tómen bolady) 18,1-den 20-ǵa deıin 16,1-den 18-ge deıin 14,1-den 16-ǵa deıin 12,1-den 14-ke deıin 10,1-den 12-ge deıin 8,1-den 10-ǵa deıin 6,1-den 8-ge deı in 4,1-den 6-ǵa deı in 2-den 4-ke deıin 2-ge deıin
5. Aýyl halqyna mıkrokredıt berý salasyndaǵy jumys tájirıbesi jáne kredıt berý naryǵyndaǵy kásiptik biliktiligi (aılarda) (MQU qyzmet merzimi qanshalyqty kóp bolsa, baly sonshalyqty joǵary bolady) 6 10 16 22 30 37 42 48 54 60 jáne odan joǵa ry
6. Operasııalyq ózin-ózi aqtaýy (OSS) (%-da) (máni qanshalyqty joǵary bolsa, baly sonshalyqty joǵary bolady) 100 103 106 109 112 115 118 121 124 127 jáne odan joǵa ry
«Bıznestiń jol kartasy 2020» bıznestiń qoldaý men damytýdyń biryńǵaı baǵdarlamasy sheńberinde shaǵyn kásipkerlik sýbektilerine mıkrokredıt berý qaǵıdalaryna 2-qosymsha
Nysan
Mıkrokredıt berý jónindegi ýákiletti uıymnyń mıkroqarjy uıymdaryna berilgen bıýdjettik kredıtterdiń, sondaı-aq qaryz alýshylarǵa berilgen mıkrokredıtterdiń maqsatty paıdalanylýyn monıtorıngteý nátıjeleri týraly esebi
1. Kirispe: esepti daıyndaýdyń ózektiligi, maqsaty men mindetteri.
2. Shaǵyn kásipkerlik sýbektilerin monıtorıngteý:
1) salalyq bólinistegi jobalardyń sany;
2) óńirlik bólinistegi jobalardyń sany;
3) mıkroqarjy uıymdarynyń (budan ári – MQU) bólinisindegi jobalardyń sany.
3. Monıtorıng nátıjeleri:
shaǵyn kásipkerlik sýbektileri óndirgen ónimder, kórsetken qyzmetter, qurǵan jańa jumys oryndary, júrgizgen salyq tólemderi týraly aqparat;
MQU-ǵa berilgen bıýdjettik kredıtterdiń, sondaı-aq qaryz alýshylarǵa MQU bergen mıkrokredıtterdiń maqsatty paıdalanylýy týraly aqparat;
MQU-ǵa, shaǵyn kásipkerlik sýbektilerine barý nátıjeleri týraly aqparat.
4. Qorytyndy: negizgi tujyrymdar men usynystar.
Qazaqstan Respýblıkasy Úkimetiniń
2015 jylǵy 31 shildedegi №599 qaýlysymen bekitilgen
Mıkroqarjy uıymdarynyń mıkrokredıtteri boıynsha syıaqy
mólsherlemelerin sýbsıdııalaý qaǵıdalary
1. Jalpy erejeler
1. Osy Mıkroqarjy uıymdarynyń mıkrokredıtteri boıynsha syıaqy mólsherlemelerin sýbsıdııalaý qaǵıdalary (budan ári – Qaǵıdalar) «Jeke kásipkerlik týraly» Qazaqstan Respýblıkasynyń Zańyna, Qazaqstan Respýblıkasy Úkimetiniń 2015 jylǵy 31 naýryzdaǵy № 168 qaýlysymen bekitilgen «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasyna (budan ári – Baǵdarlama) sáıkes ázirlengen jáne mıkroqarjy uıymdary shaǵyn kásipkerlik sýbektilerine monoqalalardaǵy, shaǵyn qalalardaǵy, aýyldyq eldi mekenderdegi jobalardy iske asyrýǵa beretin mıkrokredıtter boıynsha syıaqy mólsherlemesin sýbsıdııalaýdyń sharttary men tetigin aıqyndaıdy.
2. Osy Qaǵıdalarda mynadaı termınder men anyqtamalar paıdalanylady:
1) joba – tabys tabýǵa baǵyttalǵan jáne Qazaqstan Respýblıkasynyń zańnamasyna qaıshy kelmeıtin bastamashylyq qyzmet retinde bıznestiń ártúrli baǵyttarynda kásipker júzege asyratyn is-qımyldar men is-sharalar jıyntyǵy;
2) kásipker – óz jobalaryn aýyldyq eldi mekenderde, shaǵyn jáne monoqalalarda salalyq shekteýlersiz iske asyratyn jáne (nemese) iske asyrýdy josparlap otyrǵan shaǵyn kásipkerlik sýbektisi;
3) qaryz sharty – mıkroqarjy uıymy men kásipker arasynda jasalatyn jazbasha kelisim, onyń sharttarynyń negizinde mıkroqarjy uıymy kásipkerge kredıt beredi;
4) mıkroqarjy uıymy (budan ári – MQU) – kommersııalyq uıym bolyp tabylatyn, resmı mártebesi ádilet organdarynda memlekettik tirkelý jáne eseptik tirkeýden ótý arqyly aıqyndalatyn, mıkrokredıtter berý jónindegi qyzmetti, sondaı-aq Qazaqstan Respýblıkasynyń zańdarynda ruqsat etilgen qyzmettiń qosymsha túrlerin júzege asyratyn zańdy tulǵa;
5) mıkrokredıt berý jónindegi ýákiletti uıym (budan ári – MÝU) – ulttyq basqarýshy holdıng jáne aksııalarynyń júz paıyzy ulttyq basqarýshy holdıngke tıesili zańdy tulǵalar, sondaı-aq memleket júz paıyz qatysatyn, banktik operasııalardyń jekelegen túrlerin júzege asyratyn, Qazaqstan Respýblıkasynyń zańnamasyna sáıkes ekonomıkanyń belgili bir salalarynda memlekettik ınvestısııalyq saıasatty iske asyrýǵa ýákiletti uıymdar;
6) mıkrokredıt – MQU qaryz alýshyǵa osy Qaǵıdalarda belgilengen kólemde jáne tártippen, aqylylyq, jedeldik jáne qaıtarymdylyq sharttarynda ulttyq valıýtamen beretin aqsha;
7) mıkrokredıt berý boıynsha sýbsıdııalaý sharty (budan ári – sýbsıdııalaý sharty) – MÝU men MQU arasynda jasalǵan ekijaqty jazbasha kelisim, onyń sharttary boıynsha kásipkerlerdiń MQU bergen mıkrokredıtteri boıynsha syıaqy mólsherlemelerin MÝU ishinara sýbsıdııalaıdy;
8) memlekettik damý ınstıtýttary – ulttyq basqarýshy holdıngter, ulttyq holdıngter, aksııalarynyń baqylaý paketteri ekonomıkanyń ártúrli salalarynda memlekettik qoldaý sharalaryn kórsetetin ulttyq basqarýshy holdıngke nemese ulttyq holdıngke tıesili aksıonerlik qoǵamdar;
9) О́ńirlik úılestirý keńesi (budan ári – О́ÚK) – oblystardyń, Astana jáne Almaty qalalarynyń ákimderi quratyn jáne basqaratyn, jalpy sanynyń keminde 50 %-yn bıznes-qoǵamdastyqtardyń ókilderi quraıtyn konsýltatıvtik-keńesshi organ;
10) sýbsıdııalaý – kásipkerlerdi memlekettik qarjylaı qoldaý nysany bolashaqta kásipkerdiń operasııalyq qyzmetine jatatyn belgili bir sharttardy oryndaýǵa aıyrbas retinde kásipker MQU-ǵa mıkrokredıt boıynsha syıaqy retinde tóleıtin shyǵystardy ishinara óteý úshin paıdalanylady;
11) sýbsıdııalar – sýbsıdııalaý sharttarynyń negizinde kásipkerlerdi sýbsıdııalaý sheńberinde MQU-ǵa MÝU óteýsiz jáne qaıtarýsyz negizde tóleıtin merzimdik tólemder;
12) kásipkerlik jónindegi ýákiletti organ (budan ári – ýákiletti organ) – jeke kásipkerlikti damytý men qoldaý salasyndaǵy basshylyqty jáne salaaralyq úılestirýdi júzege asyratyn memlekettik organ.
3. Sýbsıdııalaý kásipkerler mıkrokredıtter boıynsha syıaqy retinde tóleıtin shyǵystardyń bir bóligin óteý úshin paıdalanylady.
4. MÝU kórsetetin qyzmetterge ýákiletti organ respýblıkalyq bıýdjet qarajaty esebinen aqy tóleıdi.
5. Sýbsıdııalaý úshin kózdelgen qarajatty ýákiletti organ MÝU-ǵa Baǵdarlama sheńberinde sýbsıdııalaý jáne kepildik berý týraly ózara jasalatyn sharttyń negizinde aýdarady. Baǵdarlama sheńberinde sýbsıdııalaý jáne kepildik berý týraly sharttyń nysanyn ýákiletti organ bekitedi.
6. Sońǵy qaryz alýshylar úshin MÝU-dan sýbsıdııalar alýdy resimdeý kezinde MQU-ny súıemeldeý maqsatynda MÝU servıstik qoldaý uıymdaryn tartýǵa quqyly.
2. Sýbsıdııa berý sharttary
7. Myna:
1) respýblıkalyq nemese jergilikti bıýdjet qarajaty esebinen berilgen;
2) tutynýshylyq maqsattarǵa, aldyńǵy kredıtterdi óteýge, turǵyn jyljymaıtyn múlikti, jer ýchaskesin satyp alýǵa jáne jaldaý aqysyn tóleýge baǵyttalǵan kredıtterdi qospaǵanda, aýyldyq eldi mekenderde, shaǵyn jáne monoqalalarda salalyq shekteýlersiz kásipkerlerdiń jeke jobalaryn iske asyrýǵa baǵyttalǵan jańa kredıtter sýbsıdııalaýǵa jatady.
8. Aınalym qarajatyn qarjylandyrý negizgi quraldardy satyp alýǵa jáne/nemese jańǵyrtýǵa jáne/nemese óndiristi keńeıtýge arnalǵan mıkrokredıt sheńberinde júzege asyrylatyn, biraq kredıt somasynyń 30 %-ynan aspaıtyn jaǵdaılardy qospaǵanda, aınalym qarajatyn tolyqtyrýǵa beriletin (berilgen) mıkrokredıtter boıynsha sýbsıdııalaý júzege asyrylmaıdy.
9. Qaıta bastaý negizinde berilgen aınalym qarajatyn tolyqtyrýǵa baǵyttalǵan mıkrokredıtter boıynsha syıaqy mólsherlemesin sýbsıdııalaýǵa jol berilmeıdi.
10. Myna:
1) motorly kólik quraldaryn shyǵarýdy jáne ózi ósirgen júzimnen sharap jasaýdy kózdeıtin jobalardy qospaǵanda, aksızdeletin taýarlardy/ónimderdi shyǵarýdy júzege asyratyn;
2) Qazaqstan Respýblıkasy Úkimetiniń 2014 jylǵy 31 jeltoqsandaǵy № 1434 qaýlysyna sáıkes monıtorıngke jatatyn iri salyq tóleýshilerdiń tizbesine engizilgen metallýrgııa ónerkásibindegi jobalaryn iske asyratyn;
3) qıyrshyqtas jáne qum karerlerin ıgerýge baǵyttalǵan jobalardy qospaǵanda, óz qyzmetin taý-ken óndirý ónerkásibinde júzege asyratyn;
4) quryltaıshylary ulttyq basqarýshy holdıngter, ulttyq kompanııalar jáne aksııalarynyń (jarǵylyq kapıtalyna qatysý úlesteriniń) elý jáne odan kóp paıyzy memleketke, ulttyq basqarýshy holdıngke, ulttyq holdıngke, ulttyq kompanııaǵa (áleýmettik-kásipkerlik korporasııany qospaǵanda) tikeleı nemese janama túrde tıesili uıymdar bolyp tabylatyn kásipkerlerdi, sondaı-aq menshik nysany jeke menshik mekeme retinde resimdelgen zańdy tulǵalardy qospaǵanda, óz qyzmetin monoqalalarda, shaǵyn qalalarda jáne aýyldyq eldi mekenderde júzege asyratyn kásipkerler Baǵdarlamaǵa qatysýshy bola alady.
11. Syıaqy mólsherlemesiniń bir bóligin sýbsıdııalaý kásipkerler MQU-dan alatyn jańa mıkrokredıtter nemese jyl boıy MQU MÝU-ǵa mıkrokredıtterdi sýbsıdııalaýǵa ótinish bergenge deıin alynǵan mıkrokredıtter boıynsha júzege asyrylady.
12. Syıaqy mólsherlemesiniń bir bóligin sýbsıdııalaý júzege asyrylatyn mıkrokredıtter somasy bir kásipker úshin 10 mln. teńgeden aspaýǵa tıis.
13. Mıkrokredıtter boıynsha sýbsıdııalaý merzimi 2 (eki) jyldan aspaıdy.
14. Sýbsıdııalaý nomınaldyq syıaqy mólsherlemesi 20 %-dan aspaıtyn mıkrokredıtter boıynsha júzege asyrylady, onyń ishine 50 %-yn memleket sýbsıdııalaıdy, al aıyrmasyn shaǵyn kásipkerlik sýbektisi tóleıdi. Bul rette, «EKSPO-2017» halyqaralyq mamandandyrylǵan kórmesine qatysýǵa daıyndalý maqsatynda kórmege, sımpozıýmdarǵa, kórsetilimderge, konkýrstarǵa qatysý úshin shaǵyn kásipkerlik sýbektileri alǵan mıkrokredıtter boıynsha syıaqy mólsherlemesin sýbsıdııalaý 70 %-ǵa deıin júzege asyrylady.
15. Baǵdarlama sheńberinde:
1) kredıt berý sharttarynyń kásipker bastamasymen ózgerýine baılanystylaryn;
2) kásipkerdiń kredıt boıynsha mindettemelerin buzý sebebi boıynsha alynatyndaryn qospaǵanda, MQU qandaı da bir komıssııalardy, alymdardy jáne/nemese ózge de tólemderdi almaıdy.
16. Qoldanystaǵy mıkrokredıtti sýbsıdııalaý týraly sheshim qabyldanǵan jaǵdaıda, MQU buryn alynǵan komıssııalardy, alymdardy jáne/nemese ózge de tólemderdi aǵymdaǵy qarjy jylynda óteıdi.
3. Sýbsıdııalar usyný úshin Baǵdarlamaǵa qatysýshylardyń
ózara is-qımyl jasaý tártibi
17. Kásipker mıkrokredıt boıynsha syıaqy mólsherlemesiniń bir bóligin sýbsıdııalaý túrinde memlekettik qoldaý alýǵa MQU-ǵa Baǵdarlamaǵa sáıkes sharttarda osy Qaǵıdalarǵa 1-qosymshaǵa sáıkes nysan boıynsha ótinish-saýalnama beredi.
18. MQU 5 (bes) jumys kúni ishinde jobalar boıynsha qujattar paketin qalyptastyrady jáne MÝU-ǵa kásipkerler atynan ótinish berip, oǵan myna qujattardy qosa beredi:
1) kásipkerdiń ótinish-saýalnamasy;
2) dara kásipkerdi memlekettik tirkeý týraly kýálik/zańdy tulǵany memlekettik tirkeý (qaıta tirkeý) týraly kýálik/anyqtama (kásipkerdiń mórimen/qolymen kýálandyrylǵan kóshirmesi);
3) eger qyzmet túri lısenzııalanatyn bolsa, lısenzııa (kásipkerdiń mórimen/qolymen kýálandyrylǵan kóshirme);
4) jarǵy, quryltaı sharty (bir quryltaıshy bolǵan jaǵdaıda, quryltaı sharty talap etilmeıdi). Aksıonerlik qoǵam buǵan qosa aksııalar shyǵarylymynyń prospektisin jáne baǵaly qaǵazdardy ustaýshylar tiziliminen úzindini usynady (tirkeýshiniń mórimen/qolymen kýálandyrylǵan);
5) ótinish berilgen kúnge deıin berilgenine kúntizbelik 30 kúnnen aspaǵan salyq organynan bıýdjetke mindetti tólemder boıynsha bereshektiń joq ekeni týraly anyqtama;
6) MQU-nyń kredıt berý sharttary, onyń ishinde syıaqyny óteý boıynsha jeńildikti kezeń (ol belgilengen jaǵdaıda) kórsetilgen kredıt berý múmkindigi týraly nemese Baǵdarlamaǵa qatysýǵa múmkindik beretin sharttarda kásipkerdiń kredıti boıynsha syıaqy mólsherlemesin tómendetý týraly oń sheshim shyǵarylǵan haty;
7) jobanyń bıznes-jospary.
19. MQU-dan kásipkerlerdiń qujattaryn alǵannan keıin MÝU 5 (bes) jumys kúni ishinde:
1) ótinish-saýalnamamen birge tapsyrylǵan mindetti qujattardyń tolyqtyǵyn tekserýdi júzege asyrady.
Qujattar paketi tolyq tapsyrylmaǵan ne bekitilgen nysandarǵa sáıkes kelmeıtin qujattar tapsyrylǵan jaǵdaıda, MÝU MQU-ǵa tapsyrylǵan qujattar boıynsha naqty kemshilikterdi kórsete otyryp, tapsyrylǵan qujattardy tolyqtyrýǵa qaıtarady;
2) kásipkerdiń jobasyn (osy Qaǵıdalarǵa 2-qosymshaǵa sáıkes nysan boıynsha) aldyn ala qaraýdy jáne О́ÚK-ke joba boıynsha usynymdar ázirleýdi;
3) kásipkerdiń basqa memlekettik baǵdarlamalarǵa qatysýyn, memlekettik damý ınstıtýttary arqyly ózge memlekettik qoldaý sharalarynyń paıdalanylýyn tekserýdi;
4) MQU usynǵan jobalardyń qarjylyq-ekonomıkalyq tıimdiligin baǵalaýdy jáne Baǵdarlamanyń óńirlik úılestirýshisine kásipkerlerdiń jobalaryn О́ÚK kezekti otyrysyna shyǵarý úshin osy Qaǵıdalarǵa 2-qosymshada kórsetilgen nysanǵa sáıkes jiberýdi júzege asyrady.
Kásipkerlerden tizbede kózdelmegen qujattardy talap etýge MQU-nyń quqyǵy joq.
20. MÝU jobalar boıynsha qujattardy jeke MQU-nyń mıkrokredıtteri boıynsha syıaqy mólsherlemelerin sýbsıdııalaýǵa tıisti qarjy jylyna bólingen bıýdjet qarajaty sheginde ǵana qabyldaıdy.
21. О́tkizilgen otyrys sheńberinde О́ÚK mynadaı is-sharalardy júzege asyrady:
1) kásipkerlerdiń jáne olar iske asyratyn jobalardyń Baǵdarlama talaptaryna sáıkestigin tekseredi;
2) kásipker jobalaryn jáne qosa tirkelgen qujattardy, onyń ishinde kásipkerlerdiń ótinish-saýalnamalarynda kórsetilgen basqa memlekettik baǵdarlamalarǵa qatysýy, memlekettik damý ınstıtýttary arqyly ózge de memlekettik qoldaý sharalaryn paıdalanýy týraly aqparatyn qaraıdy jáne О́ÚK músheleriniń arasynda talqylaıdy;
3) talqylaý nátıjeleri boıynsha kásipkerdi sýbsıdııalaý múmkindigi (múmkin emestigi) týraly sheshim qabyldaıdy, ol О́ÚK otyrysy ótkizilgennen keıin 2 (eki) jumys kúni ishinde hattamamen (osy Qaǵıdalarǵa 3-qosymshaǵa sáıkes nysan boıynsha) resimdeledi, bul oraıda hattamada mindetti túrde kásipkerdi Baǵdarlamaǵa qatystyrýdan bas tartýdyń sebebi kórsetilýge tıis.
22. О́ÚK músheleri hattamaǵa qol qoıǵannan keıin 1 (bir) jumys kúni ishinde MÝU MQU-ǵa О́ÚK otyrysynyń hattamasynan úzindi kóshirmeni jiberedi.
О́ÚK sheshiminiń qoldanylý merzimi hattamaǵa barlyq músheler qol qoıǵan kúnnen bastap 6 aıdy quraıdy.
4. Sýbsıdııalaý tetigi
23. MQU MÝU-dan sýbsıdııalaý týraly oń sheshim qabyldanǵany týraly О́ÚK hattamasynan úzindi alǵannan keıin 5 (bes) jumys kúni ishinde MÝU men MQU-nyń arasynda Qazaqstan Respýblıkasynyń azamattyq zańnamasyna sáıkes sýbsıdııalaý sharty jasalady, oǵan sáıkes MÝU MQU sýbsıdııalaý shartynyń kestesine sáıkes MQU-ǵa syıaqy mólsherlemelerin tóleýdi júzege asyrady.
24. Sýbsıdııalaý sharty MQU jáne MÝU qol qoıǵan kúninen bastap kúshine enedi. Bul rette, sýbsıdııalaý shartynda sýbsıdııalaý merziminiń bastalýy MÝU sýbsıdııalaý shartyna qol qoıǵan kúnge deıin kúntizbelik 30 (otyz) kúnnen aspaıtyn merzim qalǵanda belgilenýi múmkin.
25. MÝU sýbsıdııalaý shartyna qol qoıǵannan keıin MQU-ǵa sýbsıdııa tóleıdi.
26. MQU jasalǵan sýbsıdııalaý sharttary boıynsha MÝU-ǵa sýbsıdııa somalaryn aýdarý úshin aǵymdaǵy shot ashady.
27. Sýbsıdııalaý úshin kózdelgen qarajatty MÝU MQU-nyń aǵymdaǵy shotyna aýdarýdy kásipkerlerdiń barlyq maquldanǵan jobalary boıynsha biryńǵaı transhpen sýbsıdııalaý shartynyń tólemder kestesine sáıkes aı saıyn júrgizedi. Sonymen birge, MÝU qarajatty aýdarǵannan keıin bir mezgilde MQU-ǵa habarlama jiberedi. Habarlamada MQU-nyń ataýy, óńiri, kásipkerlerdiń ataýy, sýbsıdııa somasy jáne tólem júrgizilgen kezeń kórsetiledi.
MQU MÝU-dyń habarlamasynyń negizinde kásipkerlerdiń syıaqy boıynsha bereshekterin kásipkerdiń tólemder kestesine sáıkes sýbsıdııa somasyna esepten shyǵarýdy júzege asyrady.
28. Kásipker syıaqy mólsherlemesiniń sýbsıdııalanbaıtyn bóliginde MQU-ǵa syıaqy tóleýdi qaryz alý shartynyń tólemder kestesine sáıkes júrgizedi.
29. Kásipker syıaqynyń sýbsıdııalanbaıtyn bóligi boıynsha bereshegin ótegenge deıin MQU kásipkerdiń sýbsıdııalanǵan syıaqysy boıynsha bereshegin esepten shyǵarýdy júrgizbeıdi.
30. MQU eseptik kezeńnen keıingi aıdyń kúntizbelik 10 (on) kúni ishinde MÝU-ǵa syıaqy mólsherlemesiniń sýbsıdııalanatyn bóligin esepten shyǵarý týraly esepti (osy Qaǵıdalarǵa 4-qosymshaǵa sáıkes nysan boıynsha) jáne kásipkerdiń syıaqynyń sýbsıdııalanbaıtyn bóligin ótegendigi týraly derekterdi jiberedi.
31. MÝU MQU-dan sýbsıdııalaý týraly esepti alǵannan keıin syıaqynyń eseptelýin jáne kásipker tólegen MQU qarajatyn tekserýdi júrgizedi.
32. MQU kásipkerge syıaqy tóleý boıynsha jeńildikti kezeń usynatyn bolsa, syıaqynyń sýbsıdııalanǵan bóligin ol ótkennen keıin MÝU aýdarady.
5. Sýbsıdııalaýdy toqtata turý, qaıta bastaý jáne toqtatý tártibi
33. Kásipkerlerdiń kredıtti tolyq óteý, kásipkerdiń bastamasy boıynsha sýbsıdııalaý shartyn buzý jaǵdaılaryn qospaǵanda, sýbsıdııalaýdy toqtata turý, qaıta bastaý jáne toqtatý týraly sheshimdi О́ÚK qabyldaıdy.
34. Syıaqy mólsherlemesiniń bir bóligin sýbsıdııalaý myna faktiler boıynsha:
1) mıkrokredıtti maqsatsyz paıdalanýǵa baılanysty mıkrokredıt usyný týraly shartty MQU buzǵan;
2) mıkrokredıt usyný týraly shartqa sáıkes kásipker tólem kestesine sáıkes 4 (tórt) aı ishinde tólemder tóleý boıynsha mindettemelerin oryndamaǵan jaǵdaıda toqtatýǵa jatady.
35. Syıaqy mólsherlemesiniń bir bóligin sýbsıdııalaýdy toqtata turý kásipker mıkrokredıt berý týraly shartqa sáıkes tólemder kestesine saı MQU aldyndaǵy mindettemelerin 2 (eki) aı ishinde oryndamaǵan/tıisinshe oryndamaǵan kezde júzege asyrylady.
36. MQU esebiniń negizinde sýbsıdııalaýdy toqtata turýǵa nemese toqtatýǵa negiz bolyp tabylatyn faktiler anyqtalǵan kezde MÝU Baǵdarlamanyń óńirlik úılestirýshisi arqyly О́ÚK otyrysyn ótkizýge bastama jasaıdy.
О́ÚK otyrysyn ótkizý úshin MQU MÝU-ǵa joldanǵan suratýǵa sáıkes materıaldardy beredi.
37. О́tkiziletin otyrys sheńberinde sýbsıdııalaýdy toqtata turý jáne toqtatý týraly sheshim qabyldaý úshin О́ÚK mynadaı sharalardy júzege asyrady:
1) О́ÚK músheleriniń arasynda kásipkerlerdiń jobalaryn jáne qosa berilgen qujattardy, sonymen birge sýbsıdııalaýdy toqtata turýǵa jáne toqtatýǵa negiz bolatyn aqparatty qaraıdy jáne talqylaıdy;
2) talqylaý nátıjeleri boıynsha kásipkerdi sýbsıdııalaýdy toqtatý múmkindigi (múmkin emestigi) týraly sheshim qabyldap, mundaı sheshim qabyldaýdyń naqty sebebin kórsetedi;
3) osy Qaǵıdalardyń 35-tarmaǵyna sáıkes sýbsıdııalaý toqtatyla turýǵa tıis kásipkerlerdiń jobalary boıynsha О́ÚK kásipkerge О́ÚK-tiń otyrysy ótkizilgen kúninen bastap bir aı ishinde tólemder tóleý boıynsha mindettemelerdi oryndaýǵa, onyń ishinde qalyptasqan bereshekti óteýge múmkindik beredi. Kásipker О́ÚK-tiń sheshimin belgilengen merzimde oryndamaǵan jaǵdaıda, kásipkerdiń jobasyn sýbsıdııalaý О́ÚK-te qaramaı-aq toqtatylýǵa tıis.
38. Sýbsıdııalaýdy qaıta bastaý týraly sheshimdi О́ÚK qabyldaıdy. kásipker sýbsıdııalaýdy toqtata turý úshin negiz bolyp tabylǵan faktilerdi joıǵan jaǵdaıda, MÝU Baǵdarlamanyń óńirlik úılestirýshisi arqyly О́ÚK-tiń otyrysyn ótkizýge bastama jasaıdy.
39. О́ÚK ótkiziletin otyrys sheńberinde sýbsıdııalaýdy qaıta bastaý týraly sheshim qabyldaý úshin mynadaı is-sharalardy júzege asyrady:
1) О́ÚK músheleriniń arasynda kásipkerlerdiń jobalaryn jáne qosa berilgen qujattardy, onyń ishinde sýbsıdııalaýdy qaıta bastaýǵa negiz bolatyn aqparatty qaraıdy jáne talqylaıdy;
2) talqylaý nátıjeleri boıynsha osyndaı sheshimniń sebebin kórsete otyryp, kásipkerdi sýbsıdııalaýdy qaıta bastaý múmkindigi (múmkin emestigi) týraly sheshim qabyldaıdy.
40. О́ÚK otyrysy ótkizilgen kúninen bastap 2 (eki) jumys kúni ishinde О́ÚK sheshimi (osy Qaǵıdalarǵa 3-qosymshaǵa sáıkes nysan boıynsha) hattamamen resimdeledi jáne MQU-ǵa, MÝU men kásipkerge jiberiledi.
41. Sýbsıdııalaýdy toqtata turý kezeńinde eseptelgen syıaqy mólsherlemesi ótelmeıdi.
42. Myna:
1) kásipker qaryz sharty boıynsha MQU aldyndaǵy kredıtti tolyq ótegen jaǵdaıda sýbsıdııalardy tóleý toqtatylady, al sýbsıdııalaý sharty buzyldy dep tanylady. Kásipkerdiń MQU mıkrokredıtin tolyq ótegen kúni sýbsıdııalaýdyń toqtatylǵan kúni bolyp sanalady;
2) sýbsıdııalaýdy toqtatý týraly sheshim qabyldanǵan;
3) sýbsıdııalaý sharty kásipkerdiń bastamasy boıynsha buzylǵan jaǵdaıda sýbsıdııalardy tóleý toqtatylady, al sýbsıdııalaý sharty buzyldy dep tanylady.
43. Kásipker mıkrokredıt boıynsha negizgi boryshty ishinara/tolyq merziminen buryn ótegen jaǵdaıda MQU MÝU-ǵa mıkrokredıt boıynsha negizgi boryshtyń merziminen buryn ishinara/tolyq ótelý faktisi týraly habarlaıdy.
Kásipkerdiń mıkrokredıti boıynsha negizgi borysh merziminen buryn ishinara ótelgen jaǵdaıda, MQU qaryz shartyna qosymsha kelisim jasasý kezinde MÝU-ǵa sýbsıdııalaý shartyna tıisti qosymsha kelisimdi ózgertilgen tólemder kestesin qosa tirkeı otyryp, qaryz shartyna qosymsha kelisimniń kóshirmesimen qosa habarlama jiberedi.
44. Kásipkerdiń mıkrokredıti boıynsha syıaqy mólsherlemesin sýbsıdııalaý toqtatylǵan, mıkrokredıt boıynsha negizgi qaryz ishinara/tolyq ótelgen jaǵdaıda MQU 7 (jeti) jumys kúni ishinde MÝU-ǵa ózara esep aıyrysýlardyń salystyryp tekserý aktisin usynady.
Bul rette, MQU salystyryp tekserý aktisinde sýbsıdııanyń somasy jáne esepten naqty shyǵarylǵan somany jáne kúnin kórsetedi, al MÝU sýbsıdııanyń aýdarylǵan somasyn jáne kúnin kórsetedi.
Mıkroqarjy uıymdarynyń mıkrokredıtteri
boıynsha syıaqy mólsherlemelerin sýbsıdııalaý qaǵıdalaryna
1-qosymsha
Kimge «MQU» jaýapkershiligi shekteýli seriktestigi
Kimnen _______________________(budan ári – kásipker)
№ __________
О́TINISh-SAÝALNAMA
«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasyna qatysý jáne_________jylǵy « » __________№___ mıkrokredıttik qaryz shartynyń negizinde berilgen mıkrokredıt boıynsha syıaqy mólsherlemesiniń bir bóligin sýbsıdııalaý nysanynda mynadaı sharttarda:
Mıkrokredıttiń nysanaly maqsaty
Mıkrokredıt somasy
Syıaqy mólsherlemesi
Mıkrokredıt valıýtasy
Mıkrokredıt merzimi
memlekettik qoldaý alý maqsatynda Sizden sýbsıdııalaý maquldanǵan jaǵdaıda mıkrokredıt boıynsha syıaqy mólsherlemesiniń bir bóligin Baǵdarlamaǵa qatysýǵa múmkindik beretin deńgeıge deıin sýbsıdııalaý múmkindigin qaraýdy suraımyn.
1. Qatysýshy týraly málimetter
Kásipkerdiń ataýy
Quryltaıshy(lar) týraly derekter
Zańdy mekenjaıy
Naqty mekenjaıy
Poshtalyq mekenjaıy
Memlekettik tirkelgen/qaıta tirkelgen kúni
Memlekettik tirkeý/qaıta tirkeý týraly kýáliginiń №
Qyzmet túrleri
Jetekshilik etetin vedomstvo, holdıng nemese bas kompanııa
STN
Jumys tájirıbesi
2. Basshylyq
Birinshi basshy
T.A.Á
Laýazymy
Jumys/úı tel.
Týǵan jeri jáne jyly
Jeke kýáliginiń serııasy, №
Turǵylyqty jeri (naqty)
Tirkelgen mekenjaıy
Jumys tájirıbesi
Bas býhgalter
T.A.Á
Jumys/úı tel.
Týǵan jeri jáne jyly
Jeke kýáliginiń serııasy, №
Turǵylyqty jeri (naqty)
Tirkelgen mekenjaıy
Jumys tájirıbesi
Baılanys jasaıtyn tulǵa
(T.A.Á, laýazymy, telefony)
3. Menshik ıeleri
(quryltaıshy, qatysýshylar, jaýapkershiligi shekteýli seriktestik úshin – aksııalardyń 1 % jáne odan kóp paıyzyna ıelik etetin teń quryltaıshylar).
Ataýy/T.A.Á. % Derektemeleri
4. Aǵymdaǵy qyzmeti týraly aqparat
Sala
О́nimder men kórsetiletin qyzmet túrleri
Jyldyq aınalym
Sońǵy eseptik kezeńdegi paıda nemese zalal
Naqty qyzmetkerler sany _____________________ olardyń ishinde áıelder ____________________
Jobanyń ataýy (qysqasha sıpaty)
Jobany iske asyrý orny (oblys, qala)
Jumys oryndarynyń sany
5. Banktik shottary týraly aqparat
Banktik derektemeleri (barlyq qyzmet kórsetiletin bankterdegi aǵymdaǵy jáne jınaq shottaryn kórsetý):
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
___________________________________________________________________________
6. Kredıttik tarıh
Kásipkerdiń jumys isteý prosesinde paıdalanylǵan, ótelgen, sol sııaqty qazirgi ýaqytta ótelmegen barlyq banktik nesıeleri kórsetiledi.
Kredıtor Somasy Berilgen kúni Syıaqyny óteý sharttary Negizgi boryshty óteý sharttary Qaryz sharty boıynsha óteý merzimi Naqty óteý kúni
1.
2.
7. Qoldanystaǵy kredıtteri týraly aqparat
Kúni jáne valıýta baǵamy: ___/___.
R/s
№ Mı kro qar jy uıymy Qaryz sharty nyń
derekte meleri (№, kúni) Syıaqy mólsherlemesi, % Kredıt valıýtasy Kre dıt somasy Negizgi qaryz boıyn sha kórsetilgen kúndegi bereshek Kredıt merziminiń aıaqtalý kúni Kre dıt maqsa ty (qysqasha sıpa ty)
1
2
8. Basqa memlekettik baǵdarlamalarǵa qatysýy jáne kásipkerge qatysty qoldanylatyn memlekettik qoldaý sharalary týraly aqparat
R/s № Memlekettik baǵdarlamanyń/memlekettik qoldaý sharasynyń ataýy Memlekettik damý ınstıtýtynyń ataýy Qosymsha aqparat
9. Kepildikter men kelisimder
Kásipker mıkroqarjy uıymyna (budan ári – MQU) tómendegini málimdeıdi jáne oǵan kepildik beredi:
1. MQU-ǵa osy ótinishpen birge berilgen (beriletin) nemese usynylatyn barlyq derekter, aqparat pen qujattama durys bolyp tabylady jáne tómende kórsetilgen kúngi shyndyqqa tolyq sáıkes keledi, kórsetilgen derekter ózgergen jaǵdaıda MQU-ǵa dereý málimdeýge mindettenemin.
2. MQU-nyń alǵash talap etýi boıynsha osy ótinishti qaraý sheńberinde talap etilgen banktik jáne kommersııalyq qupııasy bar kez kelgen aqparat pen qujattardy berýge jáne jarııa etýge mindettenemin.
3. MQU kórsetilgen rastaýlar men kepildikterdiń shynaıylyǵyn tekserýge mindetti emes.
4. Kásipkerge jalǵan, tolyq emes jáne/nemese durys emes málimetter bergeni úshin Qazaqstan Respýblıkasynyń zańnamasynda kózdelgen jaýapkershilik týraly eskertildi.
5. Kásipker óziniń jarǵylyq quzyreti osy ótinishke qol qoıatyn tulǵanyń osy ótinishti berýine múmkindik beretindigin rastaıdy.
6. Kórsetilgen derekter men aqparattyń durys emes ekeni anyqtalǵan jaǵdaıda, kórsetilgen derekterdiń durys emes ekenin rastaıtyn málimetter anyqtalǵan kezde osy ótinishtiń kez kelgen kezeńde keri qaıtarylý múmkindigimen kelisemin, bul rette MQU bas tartý sebepterin málimdemeýge quqyly.
Kásipker osy arqyly MQU-ǵa mynalarǵa kelisim beredi:
1