Astanadaǵy 5573 áskerı bólimde ótken ant qabyldaý rásimi bul joly erekshe bir sátimen kóptiń jadynda qaldy. Sap túzegen 700-den astam sarbaz arasynan qatardaǵy jaýynger Almas Abdrahov saltanatty jıynda súıiktisine tosynsyı jasady, dep jazady Egemen.kz.
Ol saptan shyǵyp, aldymen ant bergen soń, súıiktisi Tomırıske úılenýge usynys tastady. Áskerı tártip saltanat qurǵan salmaqty jıyn bir sátte qýanysh pen áserli kóriniske ulasyp, eki jas kóptiń yqylasyna bólendi.
Ulttyq ulan talanttary
Bolashaq jarynyń kelisimin alǵan jas sarbaz áskerden oralǵan soń úılený toıyn jasaýǵa daıyn ekenin málimdedi. Bul oqıǵaǵa áskerı bólimniń jeke quramy, 3000-ǵa jýyq ata-ana men sarbazdardyń týystary kýá boldy.
Is-shara barysynda áskerı bólim komandıri Jandar Áshirbekov sóz sóılep, áskerı anttyń ár sarbaz úshin úlken jaýapkershilik ekenin atap ótti.
«Áskerı ant – jaı ǵana sóz emes, ol – Otanǵa, halyqqa, ata-anaǵa degen adaldyqtyń aıqyn kórinisi. Sizder artylǵan senimdi aqtap, Ulttyq ulan jaýyngerine laıyqty qyzmet atqarady degen úmittemin», dedi ol.
«Sarbaz+» – jaýyngerdi shyńdaıtyn joba
Osy kúnnen bastap qatardaǵy A.Abdrahov pen basqa da sarbazdar qala kósheleri men mańyzdy is-sharalar kezinde jaýyngerlik qyzmet atqarýǵa kirisedi.
«Kúreń beret» naǵyz jaýyngerlerge ǵana jarasady
Rásim sońynda jeke quram sap túzep, áskerı tehnıkalardyń qatysýymen sherý ótti.