Kókshetaý qalasyndaǵy iri saýda-oıyn-saýyq ortalyqtarynyń birinde «Armani» brendiniń qymbat kıimi qoldy boldy. Jedel basqarý ortalyǵynyń mamandary beınebaqylaý kameralarynyń kómegimen kúdiktini birneshe saǵattyń ishinde anyqtady, dep habarlaıdy Egemen.kz.
Sinegor.kz basylymynyń jazýynsha, saýda ornynan «Armani» brendiniń quny 129 myń teńge turatyn sporttyq kostıými joǵalǵan. Satýshylar taýardyń joq ekenin birneshe saǵat ótken soń ǵana baıqap, birden quqyq qorǵaý organdaryna habarlasqan.
Jezqazǵanda birneshe urlyq jasaǵan aǵaıyndy kúdiktiler ustaldy
Jedel-izdestirý is-sharalary barysynda polıseıler saýda ortalyǵynyń ishindegi jáne onyń aýmaǵyndaǵy beınebaqylaý kameralarynyń jazbalaryn qarap shyqty. Bul kúdiktiniń júrgen baǵytyn jyldam anyqtap, onyń jeke basyn belgileýge múmkindik berdi.
Nátıjesinde 25 jastaǵy Kókshetaý turǵyny ustaldy. Urlanǵan taýar tárkilenip, derek boıynsha sotqa deıingi tergep-tekserý júrgizilip jatyr.