Muǵaljar aýdanynyń 41 jastaǵy turǵyny onlaın oıyn barysynda belgisiz tulǵamen WhatsApp messendjeri arqyly hat alysyp tanysady. О́zin «SSE CIS» kompanııasynyń ókili retinde tanystyrǵan alaıaq krıptovalıýtaǵa ınvestısııa salýdy usynyp, birneshe kúnnen soń joǵary tabys túsetinine sendirgen. Kóp oılanbastan jábirlenýshi olar kórsetken esepshotqa 1 mıllıon teńge aýdaryp jibergen, dep habarlaıdy Egemen.kz.
Birneshe kúnnen keıin ýáde etilgen dıvıdend túspegen soń óziniń alaıaqtardyń qurbany bolǵanyn túsinip, polısııaǵa aryzdanǵan. Qazir Qylmystyq Kodekstiń «alaıaqtyq» baby boıynsha qylmystyq is qozǵaldy.
Polısııa deregi: Alaıaqtardyń arbaýyna kóbinde kimder ilinedi?
Polıseıler messendjer arqyly jazysqan hattardy tekserip, kúdikti tulǵany anyqtaý maqsatynda jedel-izdestirý is-sharalaryn júrgizip jatyr. Osyǵan deıingi eskertýlerge qaramastan turǵyndardyń alaıaqtarǵa aldanýy tyıylar emes.
Úısiz-kúısiz qaldy: Pavlodarlyq zeınetker alaıaqtardyń arbaýymen baspanasyn satyp jibergen
Aqtóbe oblystyq polısııa departamenti tez ári kepildendirilgen tabys týraly usynystarǵa senbeýge shaqyrady. Sondaı-aq belgisiz esepshottarǵa aqsha aýdarmaýdy jáne beıtanys adamdarǵa jeke derekterdi bermeýdi, kompanııalar men ınvestısııalyq platformalar týraly aqparatty tek resmı derekkózder arqyly qaraýdy usynady.
Aqtóbe oblysy