Bolashaqty baǵdarlap, jospar túzgende ómirdiń naqty shyndyǵyna súıený qajet. Bul týraly Memleket basshysy Qasym-Jomart Toqaev Qyzylorda qalasynda ótip jatqan Ulttyq quryltaıdyń V otyrysynda aıtty, dep jazady Egemen.kz.
«Kez-kelgen memlekettiń kúshi – halyqta. Azamattarymyzdyń jasampazdyq qýatynyń arqasynda elimiz kez kelgen kedergi men tosqaýylǵa qarsy turyp, orasan zor tabysqa jeterine kámil senemin. О́zderińiz bilesizder, men túrli josparlar quryp, strategııalar jasaýdy quptaı bermeımin. Sebebi, bos qııalǵa berilip, qurǵaq ýáde berýge túbegeıli qarsymyn. Bolashaqqa baǵdar jasap, jospar qurǵanda ómirge shynaıy kózqaraspen qaraǵan jón dep sanaımyn», dedi Prezıdent.
Sonymen qatar Prezıdent neke ınstıtýtyn er men áıeldiń erikti odaǵy retinde zańnamalyq turǵydan bekitý týraly oıyn aıtty.
Kisi qolynan qaza tapqan Nuraıdyń basynda bolǵan jaǵdaıǵa da asa mán berdi.
Buǵan deıin Qasym-Jomart Toqaev Aral teńizi máselesine qatysty pikir bildirip, ony saqtaý búkil adamzat úshin ózekti mindet ekenin aıtqan bolatyn.