Memleket basshysy Qasym-Jomart Toqaev Ulttyq quryltaıdyń V otyrysynda Qazaqstan Respýblıkasy Vıse-prezıdenti ınstıtýtyn qurý jáne ony Konstıtýsııada tıisti túrde bekitý týraly aıtty, dep habarlaıdy Egemen.kz.
«Ár nárseniń óz ýaqyty bar dep halyq beker aıtpaıdy. Meniń oıymsha, dál sol ýaqyt kelgen sııaqty. Búgin Ulttyq quryltaıdyń qorytyndy otyrysynda jańa ári mańyzdy usynysymdy aıtqym keledi. Men usynyp otyrǵan bul jańashyldyq birneshe jyl boıy júıeli túrde qalyptastyrǵan búkil saıası qurylymdy ózara úılestirip, tolyqtyratyn bolady. Áńgime Qazaqstan Respýblıkasy Vıse-prezıdenti ınstıtýtyn qurý jáne ony Konstıtýsııada tıisti túrde bekitý týraly bolyp otyr», dedi Qasym-Jomart Toqaev.
Vıse-prezıdentti Prezıdent Parlamenttiń kelisimimen, qarapaıym kópshilik daýyspen taǵaıyndaıtyn bolady. Onyń ókilettikter aıasyn Memleket basshysynyń ózi aıqyndaıdy.
Vıse-prezıdent Prezıdenttiń tapsyrmasy boıynsha:
– Qazaqstan Respýblıkasynyń múddelerin halyqaralyq forýmdarda jáne sheteldik memleketterdiń delegasııalarymen kelissózderde tanystyrady;
– Prezıdenttiń múddelerin Parlamentte bildiredi;
– otandyq jáne sheteldik qoǵamdyq-saıası, ǵylymı jáne mádenı-aǵartýshylyq uıymdarmen ózara is-qımyl jasaıdy;
– Prezıdenttiń ózge de tapsyrmalaryn oryndaıdy.
Eske salaıyq, Memleket basshysy jańa Parlamenttiń ataýyn «Quryltaı» dep ataýdy usyndy.
Sondaı-aq Prezıdent neke ınstıtýtyn er men áıeldiń erikti odaǵy retinde zańnamalyq turǵyda bekitý týraly oıyn aıtty.
Kisi qolynan qaza tapqan Nuraıdyń basynda bolǵan jaǵdaıǵa da asa mán berdi.
Buǵan deıin Qasym-Jomart Toqaev Aral teńizi máselesine qatysty pikir bildirip, ony saqtaý búkil adamzat úshin ózekti mindet ekenin aıtqan bolatyn.