2015 jylǵy 29 qańtar, Astana qalasy
Telekommýnıkasııalar jelileriniń ózara is-qımyl jasaýy men ortalyqtan basqarýdyń biryńǵaı qaǵıdalaryn bekitý týraly
«Baılanys týraly» 2004 jylǵy 5 shildedegi Qazaqstan Respýblıkasy Zańynyń 21-baby 2-tarmaǵynyń 1) tarmaqshasyna sáıkes buıyramyn:
1. Qosa berilip otyrǵan Telekommýnıkasııalar jelileriniń ózara is-qımyl jasaýy men ortalyqtan basqarýdyń biryńǵaı qaǵıdalary bekitilsin.
2. Qazaqstan Respýblıkasy Investısııalar jáne damý mınıstrligi Baılanys, aqparattandyrý jáne aqparat komıteti (S.S. Sársenov):
1) osy buıryqtyń zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde kóshirmesin merzimdi baspa basylymdarynda jáne «Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde osy buıryqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Investısııalar jáne damý vıse-mınıstri A.Q. Jumaǵalıevke júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV.
«KELISILDI»:
Qazaqstan Respýblıkasynyń Bas Prokýrory
________________ A.Daýylbaev
2015 jylǵy 17 naýryz
Qazaqstan Respýblıkasy Investısııalar jáne damý mınıstriniń
2015 jylǵy 29 qańtardaǵy №66 buıryǵymen bekitilgen
Telekommýnıkasııalar jelileriniń ózara is-qımyl jasaýy men
ortalyqtan basqarýdyń biryńǵaı qaǵıdalary
1. Jalpy erejeler
1. Osy Telekommýnıkasııalar jelileriniń ózara is-qımyl jasaýy men ortalyqtan basqarýdyń biryńǵaı qaǵıdalary (budan ári – Qaǵıdalar) «Baılanys týraly» 2004 jylǵy 5 shildedegi Qazaqstan Respýblıkasynyń Zańynyń (budan ári – Zań) 21-babyna sáıkes ázirlendi jáne telekommýnıkasııalar jelileriniń ózara is-qımyl jasaýy men ortalyqtan basqarý tártibin aıqyndaıdy.
2. Qaǵıdalar arnaıy maqsattaǵy telekommýnıkasııa jelilerin qospaǵanda, Qazaqstan Respýblıkasynyń biryńǵaı telekommýnıkasııa jelisin quraıtyn jelilerge qoldanylady.
3.Osy Qaǵıdalarda kelesi anyqtamalar paıdalanylady:
1) telekommýnıkasııa jelilerin ortalyqtan basqarý júıesi (budan ári – TJOB júıesi) - basqarýshy tehnologııalyq parametrlerdi qalyptastyrý jáne olardyń atqarylýyn baqylaý jónindegi uıymdyq-tehnıkalyq is-sharalar kesheni;
2) sheteldik baılanys operatorlary - Qazaqstan Respýblıkasynan tys baılanys qyzmetterin kórsetetin jeke nemese zańdy tulǵalar;
4. Qazaqstan Respýblıkasynda telekommýnıkasııa jelilerin ortalyqtan basqarýdy ýákiletti organ Zańǵa sáıkes jáne myna:
1) halyqaralyq baılanys jelilerinde telekommýnıkasııa jelileri trafıginiń aǵymdaǵy jaǵdaıy týraly aqparatty jınaqtaý jáne taldaý;
2) baılanys quraldary tulǵanyń, qoǵamnyń jáne memlekettiń múddesine nuqsan keltiretin qylmystyq maqsatta, sondaı-aq Qazaqstan Respýblıkasyndaǵy saılaý týraly zańnamany buzatyn ekstremıstik jáne terrorıstik áreketterdi júzege asyrýǵa, jappaı tártipsizdikterge, sol sııaqty belgilengen tártipti buza otyryp júrgiziletin buqaralyq (jarııa) is-áreketterge qatysýǵa shaqyrýdy qamtıtyn aqparatty taratý úshin paıdalanǵan jaǵdaılarda, sottardyń kez kelgen jeliler men baılanys quraldarynyń qyzmetin toqtata turý týraly sot sheshimderiniń, Qazaqstan Respýblıkasy Bas Prokýrorynyń nemese onyń orynbasarlary uıǵarymdarynyń oryndalýyn qamtamasyz etý;
3) ýákiletti memlekettik organdardy basym paıdalaný, sondaı-aq tabıǵı jáne tehnogendi sıpattaǵy tótenshe jaǵdaılar bolǵan kezde kez kelgen jeliler men baılanys quraldarynyń (úkimettik baılanystan basqa) qyzmetin toqtata turý quqyǵymen qamtamasyz etý maqsatynda júzege asyrady.
2. Telekommýnıkasııa jelileriniń ózara is-qımyl jasaýy men ortalyqtan basqarý tártibi
5. Trafıkti ótkizýdi jáne ózara esep aıyrysý tártibin qosa alǵanda, telekommýnıkasııa jelileriniń qosylýy men ózara is-qımyl jasaýy Zańnyń 8 baby 19-13) tarmaqashalaryna sáıkes ýákiletti organ belgileıtin tártippen júzege asyrylady.
6. Qalaaralyq jáne halyqaralyq baılanys operatorlary ózderiniń telekommýnıkasııa jelilerin ortalyqtan basqarý ortalyqtaryn TJOB júıesimen ıntegrasııalaýdy qamtamasyz etedi.
7. Qalaaralyq jáne halyqaralyq telefon baılanys operatorlarynyń telekommýnıkasııa jelilerin TJOB júıesine qosý telekommýnıkasııa jelileriniń jumys isteýin, ornyqtylyǵyn jáne aqparattyq qaýipsizdigin uıymdyq-tehnıkalyq qamtamasyz etý sharalaryn kózdeıtin jáne ýákiletti organmen kelisilgen baılanys operatory men memlekettik tehnıkalyq qyzmet arasyndaǵy eki jaqty kelisimderi negizinde júzege asyrylady.
8. Qalaaralyq jáne halyqaralyq baılanys operatorlary sheteldik operatorlarmen trafık almasýdy TJOB júıesi arqyly júzege asyrady.
9. Qalaaralyq jáne halyqaralyq baılanys sheteldik operatorlarmen trafık almasýdy Qazaqstan Respýblıkasynyń qalaaralyq jáne halyqaralyq baılanys operatorlary arqyly ǵana júzege asyrady.
10. Áleýmettik, tabıǵı jáne tehnogendik sıpattaǵy tótenshe jaǵdaı qateri tóngen nemese týyndaǵan, sondaı-aq tótenshe jaǵdaı engizilgen kezde baılanys jelilerin basqarýdy Qazaqstan Respýblıkasynyń zańnamasyna sáıkes ýákiletti organ basqa da ýákiletti memlekettik organdarmen ózara is-qımyl jasaı otyryp júzege asyrady.
11. Jelilerdiń jáne (nemese) baılanys quraldarynyń qyzmetin toqtata turý týraly sheshimdi alǵan kezde memlekettik tehnıkalyq qyzmet dereý osy sheshimniń oryndalýyn qamtamasyz etedi jáne baılanys operatorlaryna onyń oryndalýyn qamtamasyz etýdiń paıdalanylatyn tehnologııalyq parametrleri týraly habarlaıdy.
12. Kórsetilgen sheshimniń oryndalýyn baqylaýdy júzege asyrý úshin baılanys operatory óziniń telekommýnıkasııa jelisiniń basqarý ortalyǵyna ýákiletti organnyń jeke qol jetkizýin qamtamasyz etedi.
13. Eger, baılanys jelilerin jáne (nemese) quraldaryn jeke adamnyń, qoǵamnyń jáne memlekettiń múddelerine nuqsan keltiretin qylmystyq maqsattarda, sondaı-aq Qazaqstan Respýblıkasyndaǵy saılaý týraly zańnamany buzatyn, ekstremıstik jáne terrorıstik áreketterdi júzege asyrýǵa, jappaı tártipsizdikterge, sonymen qatar belgilengen tártipti buza otyryp júrgiziletin buqaralyq (jarııa) is-sharalarǵa qatysýǵa shaqyrýdy qamtıtyn aqparat taratý úshin paıdalanǵan adam ony alyp tastaǵan jaǵdaıda, onda ol bul týraly ýákiletti organǵa habarlama jiberedi.
14. Zańynyń 41-1 baptyń 4-tarmaǵynda kórsetilgen habarlamany alǵannan jáne onyń anyqtyǵyn teksergennen keıin ýákiletti organ memlekettik tehnıkalyq qyzmetke Zańynyń 41-1 baptyń 2-tarmaǵynda kórsetilgen talaptyń kúshin joıý týraly tapsyrma beredi.
15. Memlekettik tehnıkalyq qyzmet ýákiletti organnan Zańynyń 41-1 baptyń 5-tarmaǵynda kórsetilgen tapsyrmany alǵannan keıin ony dereý oryndaýyn qamtamasyz etedi jáne baılanys operatorlarynyń qoldanatyn tehnologııalyq parametrler jáne onyń oryndaýy týraly habarlaýdy qamtamassyz etý tıis.
Buıryq Qazaqstan Respýblıkasynyń Ádilet mınıstrliginde 2015 jylǵy 17 naýryzda Normatıvtik quqyqtyq kesimderdi memlekettik tirkeýdiń tizilimine №10465 bolyp engizildi.