Qazaqstannyń ár óńirinen shyqqan veloshabandozdar kontınentaldyq XDS Astana Development Team komandasymen kelisimshartqa otyrdy. Olardyń qatarynda Qaraǵandy oblysynyń Saran qalasynyń sportshysy Vladıslav Bashlykov ta bar. Bul – sportshy úshin halyqaralyq arenada ózin tanytýǵa berilgen jańa múmkindik, dep jazady Egemen.kz.
Qazaqstan velosıped sporty federasııasynyń málimetinshe, XDS Astana Development Team komandasymen kelisimshartqa qol qoıý – shabandozdardyń kásibı mansabyndaǵy mańyzdy kezeń ári olardyń joǵary halyqaralyq deńgeıde óner kórsetýge daıyn ekenin kórsetedi.
«XDS Astana Development Team komandasymen kelisimshartqa otyrý sportshylardyń mansabyndaǵy mańyzdy qadam. Jańa maýsymda veloshabandozdar halyqaralyq jarystarǵa qatysyp, qundy básekelik tájirıbe jınaqtap, XDS Astana Team júıesinde kásibı damýyn jalǵastyrady», dedi Federasııa ókilderi.
Qaraǵandylyq karateshiler álem chempıonatynda eki altyn medal jeńip aldy
Qazirgi ýaqytta Vladıslav Bashlykov Azııa chempıonatyna daıyndalyp jatyr. Ol Ispanııadaǵy oqý-jattyǵý jıyndarynda júr. Kásibı kelisimshartqa qol jetkizý – sportshynyń tabandy eńbegi men úzdiksiz jattyǵýlarynyń nátıjesi.
XDS Astana Development Team komandasynyń habarlaýynsha, 2026 jylǵy maýsymdaǵy alǵashqy jarys aqpan aıynda ótetin «Týr Provans» kópkúndigi bolmaq.
Qaraǵandy oblysy
Tımýr Týrlov satyp alǵannan keıin qaraǵandylyq «Shahtıordi» qandaı ózgerister kútip tur?