Astanada alǵash ret robot-hırýrg tize býynyn aýystyrý operasııasyn jasady. Master-klasty Úndistannan arnaıy kelgen halyqaralyq sarapshy, doktor Sýdjoı Kýmar Bhattachardjı ótkizdi. Biregeı otany elimizdiń 100-den astam dáriger baqylap, jańa tehnologııanyń múmkindikterimen tanysty, dep habarlaıdy Egemen.kz.
Úndistan elshiliginiń syıy
Jańa tehnologııa – akademık N.Batpenov atyndaǵy Ulttyq ǵylymı travmatologııa jáne ortopedııa ortalyǵynda iske qosylyp otyr. «MISSO» robot-hırýrgty Úndistan elshiligi syıǵa tartqan eken.
Hırýrgtyń jumysyn jeńildetedi
Master-klass barysynda tórtinshi dárejeli tize býyny artrozy dıagnozy qoıylǵan 4 naýqasqa operasııa jasalady. Ota mindetti áleýmettik medısınalyq saqtandyrý qory esebinen óteledi. Býynnyń ornyn Úndistanda jasalǵan ımplant qoıylady. Robot adam qolymen dál oryndaý qıyn bolatyn áreketterdi atqaryp, hırýrgtyń jumysyn jeńildetedi.
Atalǵan ortalyqta jyl saıyn 2 000-ǵa jýyq býyn aýystyrý otasy jasalady eken. Jalpy, elimizde mundaı kómekke muqtaj 130 myńdaı adam kezekte tur.
Elimizde alǵash ret júrekke robottyq ota jasaldy
Birneshe el robot-hırýrgty qoldanady
Bul tehnologııany Úndistanmen qatar birneshe el qoldanyp jatyr. Tehnologııanyń kómegimen ótken 2 jylda álemde 4 myń, Úndistanda 7 myńnan astam ota jasalǵan. Sonymen birge, 100-den astam elde tanystyrylyp, sheberlik sabaqtary ótkizilgen eken.
Robot ota jasady