Balýandar baq synasty

Baıraqty básekede U-20 sanatynda erkin kúres balýandary 11 salmaq dárejesinde (52 kg-dan +135 kg-ǵa deıin) júldelerdi sarapqa saldy. U-15 jas sanatyndaǵy uldar 13 salmaq dárejesinde (35 kg – +85 kg), qyzdar 10 salmaq dárejesinde (33 kg – 66 kg) óner kórsetti.

«Oblysymyzda U-20 jas sana­tyndaǵy erkin kúres qarqyndy damyp keledi. Búginde barlyq aýdandarda myqty mektepter bar, nátıjeler turaqty, básekelestik joǵary. Bul jas – eresek sportqa ótpeli kezeń, dál osy ýaqytta balýandardyń minezi, taktıkasy men psıhologııalyq tózimdilik qalyptasady. О́ńirdegi joǵary daıyndyq deńgeıiniń jarqyn dáleli – Edige Qasymbektiń jetistigi. Byltyrǵy 18 tamyzda jas balýan Bolgarııanyń Samokov qalasynda ótken U-20 álem chempıonatynda 125 kg deıingi salmaq dárejesinde jeńiske jetip, álem chempıony atandy. Bul nátıje óńirimiz úshin erekshe maqtanysh», dedi Almaty oblysynyń U-20 jas sanatyndaǵy erkin kúres aǵa jattyq­tyrýshysy Sáken Zakırov.

Áıelder kúresi de qarqyndy damyp keledi. Almaty oblysy qura­masynyń 62 kg salmaq dárejesindegi kóshbasshysy Tynys Dýbek ótken jyly jastar arasyndaǵy Azııa chem­pıonatynda kúmis medal jeńip aldy.

U-15 jas sanatyndaǵy uldar arasynda oblys quramasy negizinen Qarasaı aýdanynyń sportshylarynan quralǵan. Túrli bedeldi arenalarda aǵaıyndy Madııar men Mıras Ábdikárimovter erekshe kózge túsip júr. Madııar 2024 jyly Saha–Iаkýtııada ótken bedeldi halyqaralyq «Azııa balalary» týrnırinde júldeli orynǵa ıe boldy. Eki sportshy da keıingi eki jyldaǵy nátıjeleri boıyn­sha sport sheberligine kandıdat dárejesin ıelendi.

«Oblys birinshiligi – maýsymdaǵy eń mańyzdy jarystardyń biri. Munda báseke joǵary, kileń úzdik balýandar beldesedi. Osyndaı týrnırde jeńiske jetý ózińdi tanytyp, respýblıkalyq, halyqaralyq deńgeıge jaqyndaýǵa múmkindik beredi», deıdi Madııar.

Jarys qorytyndysynda Qara­saı, Talǵar, Eńbekshiqazaq, Jambyl aýdandarynyń ókilderi joǵary daıyndyqpen kelgenderin kórsetti. Jeńimpazdar men júldegerler arnaıy kýboktarmen, syılyqtarmen marapattaldy.

Almaty oblysy