Túrli jas erekshelikteri boıynsha Bahreın astanasy – Manamada ótken WTT Youth Contender týrnırin elimizdiń ústel tennısshileri úsh júldemen qorytyndylady. U11 sanatyndaǵy básekede Adel Veber kúmispen kúptelse, Qadyrǵalı Qabdylýahıtov pen Nurıslam Qasym juptyq saıystarda qolaǵa qol jetkizdi.
Halyqaralyq fýtbol tarıhy men statıstıkasy federasııasy (IFFHS) byltyrǵy jyldyń qorytyndysy boıynsha álemniń eń úzdik klýbtarynyń reıtıngin jarııalady. Myqtylar kóshin Fransııanyń PSJ-sy bastap tur. Parıjdikterdi Madrıdtiń «Realy» men Londonnyń «Chelsıi» ókshelep keledi. Elimizdiń chempıony – «Qaırat» bul tizimde 235-orynda tur. «Astana» 692, «Tobyl» 710-satyǵa turaqtady.
Shaıbaly hokkeıden Ystanbulda ótip jatqan qyzdardyń ekinshi dıvızıondaǵy komandalar arasyndaǵy álem birinshiliginde elimizdiń quramasy Latvııany 9:1 esebimen oısyrata utty. Matchta Sofııa Mýraveva het-trık jasasa, Sofııa Zýbkova men Renata Lıvshıs dýbl avtory atandy. Vasılısa Shýklına men Anfısa Novıkova bir-bir goldan soqty. Esterińizge sala keteıik, alǵashqy kezdesýde jerlesterimiz Jańa Zelandııanyń 13:2 esebimen tas-talqanyn shyǵardy.
28 jastaǵy tanymal brazılııalyq fýtzalshy, Lıbertadores kýboginiń ıegeri Igor Karıoka Almatynyń «Qaıratymen» 1,5 jyldyq merzimge kelisimshartqa otyrdy. Buǵan deıin óz elinde, Ispanııa men Italııanyń beldi komandalarynda jasyndaı jarqyldaǵan ámbebap oıynshy keıingi kezderi San-Paýlýdyń «Korıntıansynyń» quramynda boldy. Almatynyń «Qaırat» fýtbol klýby ÝEFA Chempıondar lıgasy jalpy kezeńiniń 7-týrynda ese jiberdi. «Astana arena» stadıonynda almatylyq komanda oıynshylary Belgııanyń «Brıýgge» klýbynan 1:4 esebimen oısyraı utyldy. Matchtyń 32-mınýtynda Aleksandr Stankovıch esep ashsa, Hans Vanaken – 38, Romeo Vermant – 74, Brendon Mehele 84-mınýtta enshilerine gol jazyp, esepti eseledi. «Qaırat» sapynan Ádilet Sádibekov 90+2-mınýtta esep aıyrmasyn qysqartty. Almatylyq jas oıynshy alańǵa 76-mınýtta shyqty. «Qaırat» Chempıondar lıgasynda qatarynan tórtinshi ret jeńilis taýyp otyr. Sóıtip, jeti týrdan keıin bir upaı ǵana oljalaǵan Rafael Ýrazbahtınniń komandasy pleı-off kezeńine shyǵý múmkindiginen aıryldy. Sońǵy týrda almatylyqtar 28 qańtarda «Arsenal» (London, Anglııa) komandasyna qarsy syrt alańda oınaıdy.
5-7 aqpan aralyǵynda Italııanyń Týrın qalasynda rapıramen semserlesýden Gran-prı dodasy ótedi. Apennın túbeginde Sofııa Aqtaeva, Alıona Gnoeva, Ǵalym Nurymov, Tımofeı Semıonov syndy noıandarymyz óner kórsetedi.
Tolıattıge (Reseı) sapar shekken «Barys» hokkeı klýby jergilikti «Ladamen» kezdesti. Jerlesterimizdiń jarys kestesiniń eń sońǵy ornynda kele jatqan komandaǵa áli jetpedi, aıdyn ıeleri 2:0 esebimen jeńiske jetti.