Aqtóbede múgedektigi bar azamattarǵa arnalǵan «Qýat» ınklıýzıvti sport kesheni ashyldy. Aýmaǵy 4885 sharshymetr ǵımaratta 20-dan astam sport túrimen aınalysýǵa bolady. Munda júzý basseıni, ámbebap sport zaly, kúres zaly, ústel tennısi zaly jáne ashyq sport alańdary bar. Sporttyq saıystardy tamashalaýǵa keletin kórermen úshin de 200 oryndyq arnaıy zal jabdyqtalǵan, dep habarlaıdy Egemen.kz.
Sonyń ishinde paralımpıadalyq baǵyttaǵy jeńil atletıka, júzý, otyryp oınaıtyn voleıbol, paýerlıftıng, ústel tennısi, paradzıýdo, oq atý, arbadaǵy tennıs, golbol, bochcha, parataekvondo sııaqty túrlerimen qatar sýrdolımpıadalyq túrleri boıynsha fýtzal, kúres, dzıýdo, badmınton, shahmat, ústel tennısi, júzý, taekvondo qamtylǵan.
Ulytaý oblysynda jańa sport kesheni paıdalanýǵa berildi
Ashyq sport alańdaryn qospaǵanda osy keshende kúnine 500 adam ózderi tańdaǵan sport túrlerimen shuǵyldana alady. Jobanyń jalpy quny – 3,2 mlrd teńge. Bas merdiger – «Interstıl» JShS. Samruk Kazyna AQ kompanııalar toby atynan qaıyrymdylyq jobalardy júzege asyratyn «Samruk – Kazyna Trust» korporatıvtik qory sporttyq jabdyqtar alýǵa demeýshilik kórsetti. Keshende 106 jumys orny ashyldy.
Aqjaıyqta sport kesheni ashyldy
Aqtóbe oblysynda múgedektigi bar 27 myń eresek, 5 myńnan astam bala bar. Solardyń ishinde 1 899 adam sportpen turaqty túrde shuǵyldanady.
«Kokshe Arena» kópsalaly sport kesheni salyndy