Jambyl oblysynda polısııa qyzmetkerleri kámelet jasyna tolmaǵan balalarǵa shuǵyl kómek kórsetti, dep habarlaıdy Egemen.kz.
Oblystyq polısııa departamenti baspasóz qyzmeti keltirgen derekke sensek, qoǵamdyq kólikpen qatynaıtyn eki oqýshynyń biri avtobýsta telefonyn umytyp ketken. Ne isterin bilmeı dal bolǵan balalar jaqyn jerde júrgen patrýldik polısııa qyzmetkerlerine júginip, kómek suraǵan.
Polısııa qyzmetkerleri jaǵdaıdy birden nazarǵa alyp, jedel basqarý ortalyǵyna habarlasyp, qaladaǵy beınebaqylaý kameralary arqyly avtobýstyń baǵytyn anyqtaıdy. Jedel ári úılesimdi árekettiń arqasynda avtobýs der kezinde toqtatylyp, joǵalǵan uıaly telefon tabylǵan.
Polısııa deregi: Alaıaqtardyń arbaýyna kóbinde kimder ilinedi?
Qaýipsizdik talaptaryn nazarǵa alǵan polısııa qyzmetkerleri balanyń ájesin shaqyryp, uıaly telefondy zańdy ıesine tabystaǵan. О́z kezeginde oqýshynyń ájesi polısııa qyzmetkerlerine alǵysyn jaýdyrdy.
Aqtaýda polıseıler sýǵa batyp bara jatqan jasóspirimdi qutqardy