Aqtaý qalasynyń «Kaspıı» fýtbol klýby jańa bas bapkerdiń taǵaıyndalǵanyn resmı túrde habarlady. Komandany 42 jastaǵy maman Pıraly Álıev tizgindedi, dep jazady Egemen.kz.
Pıraly Álıev – Almaty qalasyndaǵy fýtbol mektebiniń túlegi. Oıynshy retindegi mansabynda ol Qazaqstannyń birqatar klýbynda óner kórsetti. Atap aıtqanda, «Qaırat», «Atyraý», «Jetisý», «Lokomotıv», «Tobyl», «Ordabasy», «Ertis» komandalarynyń namysyn qorǵady. 2006-2007 jyldary «Jeńis» klýbynyń quramynda oınap, eki ret Qazaqstan chempıony atandy. Sondaı-aq ol eldiń ulttyq quramasy sapynda 5 match ótkizgen.
Chempıondar lıgasynda gol soqqan «Qaırat» oıynshysy «Aqtóbege» aýysady
Bapkerlik qyzmetin Pıraly Álıev 2021-2022 maýsymynda Túrkııanyń «Istanbýlspor» klýbynyń jastar komandasyn basqarýdan bastady. 2023-2024 maýsymynda onyń shákirtteri Túrkııa jastar birinshiliginiń «B» dıvızıonynda chempıon atandy. Sonymen qatar 2023 jyly Álıev Túrkııa Sýperlıgasynda «Istanbýlspordyń» negizgi komandasynda bas bapkerdiń mindetin atqaryp, klýb tizgininde eki match ótkizdi.
Fýtbol kommentatory «Ordabasy» klýby prezıdentiniń keńesshisi bolyp taǵaıyndaldy
2024 jáne 2025 maýsymdarynda Pıraly Álıev elordalyq «Jeńis» klýbynda bas bapkerdiń kómekshisi qyzmetin atqardy. Endi ol «Kaspıı» komandasynyń bas bapkeri retinde ózin kórsetý múmkindigine ıe boldy.