Qytaıda ázirlengen qaýipsizdikti baqylaýǵa arnalǵan «Are You Dead» (Sileme) mobıldi qosymshasy kútpegen jerden keń taralyp, «App Store»-degi aqyly qosymshalar reıtınginiń kóshin bastady.
«Sileme» jalǵyz turatyn adamdardyń qaýipsizdigin baqylaýǵa arnalǵan qural retinde jasalǵan. Qoldanýshy kún saıyn óziniń jaǵdaıy jaqsy ekenin bildirip, belgi qoıý batyrmasyn basýǵa tıis. Eger belgilengen ýaqyt ishinde bul áreket oryndalmasa, júıe tótenshe jaǵdaıǵa arnalǵan baılanys tulǵasyna avtomatty túrde habarlama jiberedi. Qosymsha qoldanýshylarǵa: «Eger eki kún ishinde belgi qoımasańyz, júıe sizdiń atyńyzdan tótenshe jaǵdaıǵa arnalǵan kontaktilerge elektrondy hat jiberedi», dep eskertip otyrady.