Atyraýlyq Iаna Legkodımovany óltirgeni úshin sottalǵan Rızýan Qaıyrjanov pen Altynbek Katımov jazalaryn jeńildetýdi surap, sotqa apellıasııalyq shaǵym túsirgen, dep habarlaıdy Egemen.kz.
«Jetinshi arnanyń» habarlaýynsha, qazirgi ýaqytta jábirlenýshi taraptyń advokattary kelip túsken qujattardy zerdelep jatyr. Osydan keıin apellıasııalyq sot otyrysy ótedi. Ázirge olar tergeý ızolıatorynda otyr.
Apellıasııalyq shaǵymda sottalǵandar jazany jeńildetýdi suraǵan. Nusqa retinde – ómir boıyna bas bostandyǵynan aıyrý jazasyn belgili bir merzimge bas bostandyǵynan aıyrýmen almastyrý usynylýy múmkin.
Qaza tapqan qyzdyń anasy Galına Legkodımova shaǵymdy alǵanyn rastady. Ol qyzynyń ólimine kinálilerdiń ómir boıyna túrmede otyrýyn talap etetinin aıtqan.
Eske salaıyq, 2024 jyldyń qazan aıynda Iаna Legkodımova kenetten joǵalyp ketken. Segiz aıdan keıin qyzdyń máıiti Jaıyq ózeninen tabyldy. 2025 jylǵy 17 qarashada sýdıa Zarema Hamıdýllına eki aıǵa sozylǵan sot prosesinen keıin úkim shyǵardy. Qylmystyq is 24 tomnan turǵan.
Keıin qandy qylmysty ashqan tergeýshige merziminen buryn jańa shen berildi.