Túrkistandaǵy «Áziret Sultan» Ulttyq tarıhı-mádenı mýzeı-qoryǵynda erekshe kútimdi qajet etetin balalarǵa arnalǵan ınklıýzıvti oqý kabıneti paıdalanýǵa berildi, dep habarlaıdy Egemen.kz.
Oqý kabıneti mektep jasyndaǵy múmkindigi shekteýli balalardyń bos ýaqytyn tıimdi uıymdastyra otyryp, olardyń qoǵammen baılanysyn nyǵaıtý, shyǵarmashylyq jáne tanymdyq qabiletterin damytý, ózderin qoǵamnyń tolyqqandy múshesi retinde sezinýine múmkindik jasaýdy maqsat etken «Janshýaq» jobasy aıasynda ashylyp otyr. «Janshýaq» jobasyna qala mektepteriniń 3-8 synyp oqýshylary ata-anasynyń kelisimimen qatysa alady. Sabaqtar joba jetekshisi men mýzeı-qoryqtyń arnaıy mamandarynyń qatysýymen, aldyn ala bekitilgen taqyryptyq jospar negizinde júıeli túrde ótedi. Aıyna bir ret 2 akademııalyq saǵat kóleminde teorııalyq jáne praktıkalyq sabaqtar uıymdastyrylady.
Aqtóbede ınklıýzıvti sport kesheni ashyldy
Inklıýzıvti oqý kabınetiniń ashylý saltanatynda mýzeı-qoryq dırektorynyń mindetin atqarýshy Nurlan Dúkenbaev pen qalalyq bilim bóliminiń ınklıýzıvti bilim berý ádiskeri Móldir Aqylbekova quttyqtaý sóz sóılep, jobanyń mańyzdylyǵyna toqtaldy. Bul – respýblıka kóleminde mýzeı-qoryq janynan ashylyp otyrǵan alǵashqy ınklıýzıvti kabınet retinde mańyzdy áleýmettik ári mádenı bastama.
Inklıýzıvti bilim berý uıymdarynda 10 myńnan asa pedagog qyzmet etedi