Bas prokýratýranyń Quqyqtyq statıstıka jáne arnaıy esepke alý jónindegi komıtetiniń Qylmystyq qaterler men qoǵamdyq qaýipsizdik táýekelderin boljaý ortalyǵy ınternet-alaıaqtyqtyń jańa shemasy týraly eskertedi, dep habarlaıdy Egemen.kz.
Sheteldik derekkózderdiń málimetteri boıynsha alaıaqtar tegin elektrondyq kitaptar retinde Telegram-ǵa zııandy faıldardy taratady.
«Aldaý shemasy óte qarapaıym: Siz Telegram-nan kitaptardyń úlken kitaphanasyna qoljetimdilik týraly shekteýsiz habarlama alasyz.
Qajetti basylym suralǵannan keıin bot naqty servıske ımıtısııa jasaı otyryp, kitap sıýjetiniń qysqasha sıpattamasyn jasaıdy, biraq kitapty oqý nemese júkteýdiń ornyna sizge «arnaıy qosymsha» degen ataýmen vırýstyq faıl jiberedi.
Faıldy ornatý óte aýyr saldarǵa ákeledi: parolder men aqshalardy urlaý, hat almasý jáne fotosýretterge qol jetkizý, smartfondy qashyqtan basqarý jáne jeke derekterdi joǵaltý», delingen Qostanaı oblysy ákimdiginiń habarlamasynda.
Aıta keteıik, beıresmı kózderden basqa qosymshalardy ornatý jaǵymsyz saldarlarǵa ákelip soǵýy múmkin.
Al, osyndaı qaýip-qaterlerden qorǵaýdyń negizgi sharalary – kıbergıgıena erejelerin saqtaý jáne jeke qyraǵylyq.
Internet-alaıaqtyq tyıylmaı tur: «Qupııa Santa» oıyn ba álde tuzaq pa?