Kaspıı qubyr konsorsıýmynyń (KTK) teńiz termınalynda ATQ-3 qashyqtaǵy aılaq qurylǵysyn jóndeý jumystary tolyq aıaqtalyp, munaı tıeý úderisi qaıta jandandy, dep habarlaıdy Egemen.kz.
Konsorsıým taratqan málimetke sáıkes, josparly-aldyn alý jóndeý jumystary aıasynda ATQ-3 qurylǵysynda sýasty shlangtary men ıkemdi qubyrlardyń bir bóligi aýystyrylǵan. 21 qańtar kúni aılaqtyń júk júıesine gıdrosynaq júrgizilip, odan keıin súńgýirler sýasty munaı qubyrynyń sońǵy manıfoldyn ashqan. 25 qańtarda munaı tıeý úshin alǵashqy tanker aılaqqa qoıyldy.
KTK teńiz termınaly munaı qabyldaýdy toqtatty
KTK ókilderi jóndeý merzimi men jumys kólemi buǵan deıin konsorsıýmnyń ATQ-2 qurylǵysyna jasalǵan ushqyshsyz qurylǵylar arqyly nysanaly shabýyl saldarynan qaıta qaralǵanyn atap ótti. Atalǵan oqıǵa qurylǵynyń zaqymdanýyna jáne onyń jumysyn ýaqytsha toqtatýǵa sebep bolǵan.
Osy jaǵdaıdy eskere otyryp, kompanııa munaı jóneltýshilerdiń jyldyq josparǵa sáıkes ótinimderin oryndaý keminde eki aılaq qurylǵysy bir mezgilde jumys istegen jaǵdaıda kepildendiriletinin málimdedi. Qazirgi tańda teńiz termınalynda tıeý operasııalary ATQ-1 jáne ATQ-3 arqyly shtattyq rejımde júrgizilip jatyr.
KTK termınalyna jasalǵan shabýyldy qoldaǵandardyń ústinen is qozǵaldy
Jóndeý jumystary kúrdeli gıdrometeorologııalyq ahýal jaǵdaıynda ótken. Sýasty aǵyndarynyń jyldamdyǵy jıi ózgerip otyrǵandyqtan, súńgýirlerdiń qaýipsiz túsýi birneshe ret ýaqytsha toqtatylǵan. Mundaı qubylystar qysqy maýsymǵa tán ekeni aıtylady.
Soǵan qaramastan, barlyq tehnıkalyq operasııalar óndiristik qaýipsizdik talaptaryn saqtaı otyryp aıaqtalǵan. Konsorsıým teńiz termınaly ınfraqurylymynyń senimdi jumys isteýi munaı eksportynyń turaqtylyǵy úshin strategııalyq mańyzǵa ıe ekenin atap ótti.
Qazaqstan KTK ahýalyna baılanysty munaı tasymaldaý marshrýtyn ózgertetin boldy