Astanada Konstıtýsııalyq komıssııanyń ekinshi otyrysy ótip jatyr. Is-shara konstıtýsııalyq reformaǵa baılanysty kelip túsken usynystardy talqylaýǵa arnalǵan, dep habarlaıdy Egemen.kz.
Otyrystyń moderatory, Qazaqstan Respýblıkasy Konstıtýsııalyq Sotynyń tóraıymy Elvıra Azımova Komıssııaǵa 2 000-nan astam usynys kelip túskenin, olardyń barlyǵy birtutas Jınaqtalǵan kestege toptastyrylǵanyn atap ótti. Onyń aıtýynsha, azamattar men sarapshylardyń belsendi qatysýy konstıtýsııalyq ózgeristerdiń qoǵamdyq mańyzyn jáne reformaǵa degen joǵary qyzyǵýshylyqty aıqyn kórsetedi.
«Mundaı dıalog formaty reformanyń negizgi qaǵıdatyn kórsetedi: konstıtýsııalyq reforma eń aldymen halyqtyń múddesi úshin jáne onyń tikeleı qatysýymen júrgiziledi», dedi Elvıra Azımova.Erlan Qarın: Konstıtýsııalyq komıssııanyń qurylýy tarıhı oqıǵa
Otyrys aıasynda úsh negizgi spıkerdiń baıandamalary tyńdalady – Ádilet mınıstri Erlan Sársembaev, Senat depýtaty Nurlan Beknazarov jáne Májilis depýtaty Snejanna Imasheva. Olar 2025 jyldyń qazan aıynan bastap túsken usynystar negizinde ázirlengen quqyqtyq tásilder men túzetýlerdi usynady.
Qazaqstanda saıası partııalardy sheteldik qarjylandyrýǵa tyıym salý usynyldy
Konstıtýsııalyq komıssııanyń alǵashqy otyrysy 2026 jylǵy 24 qańtarda ótti. Komıssııaǵa Konstıtýsııalyq sottyń tóraǵasy Elvıra Azımova jetekshilik etti. Komıssııa tóraǵasynyń orynbasarlary – Memlekettik keńesshi Erlan Qarın men Premer-mınıstrdiń orynbasary – Mádenıet jáne aqparat mınıstri Aıda Balaeva. Komıssııa quramyna Parlament depýtattary, máslıhattar tóraǵalary, BAQ ókilderi, qoǵam qaıratkerleri, memlekettik organdardyń, óńirlerdegi qoǵamdyq keńester men ǵylymı qoǵamdastyq ókilderi, sarapshylar kirdi.
Aıta keteıik, is-shara consot_kz, constcouncil.kz resmı áleýmettik jelilerdegi paraqshalarda tikeleı efırde kórsetilip jatyr.
Artýr Lastaev Konstıtýsııada ómir súrý quqyǵynyń absolıýttik basymdyǵyn bekitýdi usyndy