Konstıtýsııalyq komıssııanyń ekinshi otyrysynda Májilis depýtaty Snejanna Imasheva birinshi otyrys qorytyndysy boıynsha daıyndalǵan salystyrmaly kesteni tanystyryp, Preambýla men 1-39 baptardy júıeli túrde qaraýdy usyndy, dep jazady Egemen.kz.
Usynylǵan ózgertýler konstıtýsııalyq qurylymnyń negizderin naqtylaý jáne nyǵaıtýǵa, normalardyń quqyqtyq anyqtyǵyn arttyrýǵa, sondaı-aq quqyq qorǵaý mehanızmderin kúsheıtýge baǵyttalǵan. Depýtat Preambýlanyń mán-maǵynasyna jáne qazirgi áleýmettik úrdisterdi eskere otyryp, konstıtýsııalyq normalardy jańartý qajettiligine nazar aýdardy.
«Konstıtýsııanyń Preambýlasy – bul tek kirispe emes, negizgi zańnyń ıdeıalyq-moraldyq ózegi, maqsatty aıqyndaıtyn jáne memlekettiń damý baǵytyn belgileıtin basty baǵdar», dedi Snejanna Imasheva.
Konstıtýsııalyq reforma jónindegi komıssııa otyrysy ótip jatyr
Odan keıingi talqylaý Konstıtýsııanyń I jáne II bólimderindegi normalarǵa qatysty boldy, sonyń ishinde quqyqtyq jáne zaıyrly memleket prınsıpterin bekitý, adam qadir-quqyǵyn, ómir súrý quqyǵyn, jeke erkindik pen tulǵanyń qaýipsizdigin qorǵaý, sondaı-aq jeke ómir men jeke derekterdi qorǵaý máseleleri qaraldy. Sonymen qatar konstıtýsııalyq prınsıpterdiń normatıvtik mártebesin kúsheıtý jáne olardyń praktıkalyq qoldanylýyn qamtamasyz etý jónindegi usynystar talqylandy.
Konstıtýsııalyq reforma: «Quryltaı» men «Halyq keńesiniń» ókilettigi talqylandy
Usynylyp otyrǵan ózgerister konstıtýsııalyq normalardyń qoldanylý tıimdiligin arttyrýǵa jáne olardyń túsindirilýine birtutas tásil qalyptastyrýǵa baǵyttalyp otyr.
Konstıtýsııalyq komıssııanyń ekinshi otyrysynda adamı kapıtaldy, bilim berýdi, ǵylym men mádenıetti damytý, áleýmettik kepildikterdi kúsheıtý, qorshaǵan ortany qorǵaý jáne otbasynyń quqyqtaryn saqtaý sııaqty bastamalar qaraldy. Aıta keteıik, usynystardy qaraý kezeń-kezeńimen júzege asyrylyp, Konstıtýsııalyq komıssııanyń kelesi otyrystarynda jalǵasady.
Ádilet mınıstri Konstıtýsııaǵa qandaı ózgerister engiziletinin aıtty