Bilim men ǵylymnyń ortalyǵy sanalatyn Almatyda jańa mektepter boı kóterip, oqý ortalyqtarynyń sany artyp keledi. Qazir megapolıste 350-den asa mektepte 300 myńnan astam oqýshy bilim alyp jatyr. Bıyl «Keleshek mektepteri» ulttyq jobasy aıasynda 11 700 orynǵa arnalǵan 8 mektep ashý josparlanyp otyr. Byltyr 12 mektep paıdalanýǵa berildi.
Qazir «2025–2027 jyldarǵa arnalǵan 1 300 mektepti jańalaý» jobasy iske asyp jatyr. Byltyr 15 mektepte jóndeý-qaıta jańartý jumystary júrgizilgen bolsa, bıyl – 9, keler jyly jyly 7 bilim berý nysanyn jańartý kózdelip otyr.
Qala halqynyń sany jyl saıyn keminde 10–12 myń adamǵa kóbeıip keledi. Soǵan oraı oqýshy oryndary da jetispeıdi. Osyǵan qaramastan, qalada úsh aýysymdy, apatty mektepter máselesi tolyqqandy sheshilgen. Byltyr oqýshy orny jetispeýshiligi 30 myńdy qurasa, jyl sońyna deıin kórsetkish 16 myńǵa azaıdy. Byltyr «Keleshek mektepteri» jobasy aıasynda Alataý aýdanyndaǵy Aqbulaq shaǵyn aýdanynda – №154 (1500 oryn), Terekti shaǵyn aýdanynda – №213 (2000 oryn), Samǵaý shaǵyn aýdanynda – №217 (2000 oryn), Qarasý shaǵyn aýdanynda – №218 (2000 oryn), Áıgerim shaǵyn aýdanynda – №222 (2000 oryn), Naýryzbaı aýdanynda – №214 (1500 oryn), osy aýdanǵa qarasty Quramys shaǵyn aýdanynda – №219 (1 500 oryn) Shuǵyla shaǵyn aýdanynda – №221 (2500 oryn), Bostandyq aýdanynda – №215 (1500 oryn), №224 (2500 oryn), Almaly aýdanynda №216 (1500 oryn), Medeý aýdanynda – №220 (2000 oryn) jalpy bilim beretin mektep paıdalanýǵa berildi. Bıyl alǵashqy toqsanda taǵy da 4 mekteptiń qurylysy bastalady.
ALMATY