Qytaıdyń Hanchjoý qalasynda erekshe meıramhana ashyldy. Munda tamaq daıyndaýdan bastap, zaldaǵy tapsyrys qabyldaýǵa deıingi sharýanyń bárin robottar atqarady.
Aspaz da, daıashy da – bir júıege baǵynǵan jasandy ıntellekt. Joba avtorlarynyń aıtýynsha, meıramhanada onnan astam robot jumys isteıdi. Bir tapsyrysty ázirleýge shamamen 3 mınýt ýaqyt ketedi. Mamandardyń boljamynsha, bul – Qytaıda tolyqtaı robottar ǵana qyzmet kórsetetin ázirge jalǵyz meıramhana.