Memleket basshysynyń tapsyrmalaryn oryndaý aıasynda Almaty taý klasterin, Shýche-Býrabaı kýrorttyq aımaǵyn jáne Mańǵystaýdy damytý josparlary bekitildi, dep jazady Egemen.kz.
Búgin Úkimet otyrysynda Týrızm jáne sport mınıstri Erbol Myrzabosynov ınfraqurylymdardy qurý jáne destınasııalardy ilgeriletý baǵytynda atqarylyp jatqan is-sharalar týraly baıandady.
Onyń aıtýynsha, Almaty óńirindegi kýrorttar biryńǵaı júıege biriktiriledi. 30 jańa aspaly jol jáne 161 shaqyrym shańǵy trassasy paıda bolady. Bul maýsym qyzǵan shaqta júktemeni azaıtýǵa jáne týrıst sanyn 5 mıllıon adamǵa deıin jetkizýge múmkindik beredi.
Almatyda Ońtústik Koreıanyń tanymal teleshoýy túsirildi
Joba joǵary ekonomıkalyq áleýetke de ıe. О́ıtkeni taý shańǵysy týrısteriniń shyǵyndary orta eseppen 350 dollardy quraıdy, bul jaǵajaı týrısteriniń shyǵyndarynan 7 esege kóp.
Shýche-Býrabaı aımaǵynda Qatarkól jáne Jókeı kólderine júktemeni bólý boıynsha jumystar júrgizilip jatyr. О́tken jyly «Promenad» aımaǵy, 10 shaqyrym velojoldar men aýmaqty tamashalaý alańdary iske qosyldy.
Mańǵystaýda «Jyly jaǵajaı» jáne «Kendirli» aımaqtaryna basymdyq beriledi.
«Munda abattandyrylǵan jaıaý marshrýttar, aýmaqty tamashalaý alańdary, vızıt-ortalyqtar qurylady. Qonaqtardyń atalǵan týrıstik aımaqtarda qalý uzaqtyǵyn 10 kúnge arttyrý kózdelip otyr. Sondaı-aq 2029 jylǵa qaraı kelýshiler sanyn 150 myń adamǵa jetkizýdi josparlap otyrmyz», dedi mınıstr.
Aıta keteıik, buǵan deıin Shymbulaq pen Medeýge sheteldikter tánti bolyp, Almaty Viajar jýrnalynyń tizimine engenin habarlaǵanbyz.
Almatynyń ásem tabıǵaty Vogue basylymynyń da nazaryn aýdaryp, eń úzdik 14 baǵyt qataryna qosqan edi.