Búgin Úkimet otyrysynda Kólik mınıstri Nurlan Saýranbaev týrısterdiń dittegen aımaǵyna tez jetýi úshin transportpen qamtý baǵytynda atqarylyp jatqan jumystar týraly baıandady, dep jazady Egemen.kz.
Mınıstdiń aıtýynsha, bıyl Katonqaraǵaı, Zaısan jáne Kenderli kýrorttyq aımaqtaryndaǵy áýejaılardyń qurylysy, sondaı-aq Arqalyq áýejaıyn qalpyna keltirý jumystary aıaqtalady. Venaǵa, Rımge jáne Shanhaıǵa reısterdi qosqanda 15 jańa halyqaralyq marshrýt ashylady.
Zaısan áýejaıy qurylysynyń keshigý sebepteri belgili boldy
Temirjol tasymalyn da jetildirý josparlanyp otyr. Osy maqsatta temirjol parki 191 jańa vagonmen tolyqtyrylady. Jazǵy kezeńde 13 qosymsha marshrýt iske qosylady.
Sondaı-aq Jańaózen – Kendirli jáne О́skemen – Katonqaraǵaı baǵyttaryn qosa alǵanda, negizgi kórikti jerlerge aparatyn 5 myń shaqyrym jol jóndelip jatyr.
Katonqaraǵaı tabıǵı parkinde sırek kezdesetin qus fototuzaqqa túsip qaldy
Nurlan Saýranbaev tanymal baǵyttarǵa erekshe kóńil bólinip jatqanyn tilge tıek etti. Máselen, Astanadan, Almatydan jáne shyǵys óńirlerden Alakólge qatynaıtyn 8 qosymsha poıyzdy qosý kózdelgen.
«Biz jol boıyndaǵy servısti de damytyp jatyrmyz. 2026 jyly 50 jańa nysan salý josparlanyp otyr. Bul is-sharalardy júzege asyrý jol júrý ýaqytyn qysqartyp, týrısterge qolaıly jaǵdaı jasaıdy», dedi Nurlan Saýranbaev.
Sondaı-aq búgin Úkimet otyrysynda Almaty taý klasterin, Shýche-Býrabaı kýrorttyq aımaǵyn jáne Mańǵystaýdy damytý josparlary bekitilgeni aıtyldy.