Jambyl oblysynda úsh aýysymdy mektep máselesi tolyǵymen sheshimin tapty, dep habarlaıdy Egemen.kz.
Oblys ákimdigi bilim basqarmasynyń basshysy Nurbek Orshybekovtiń aıtýynsha, ótken jyly óńirde 14 bilim berý nysany paıdalanýǵa berilgen. Onyń ony - mektep. Nátıjesinde óńirdegi úsh aýysymdy mektep máselesi tolyǵymen sheshildi.
Elimizde úsh aýysymdy mektepter sany 4 ese azaıdy
«Boı kótergen bilim ordalarynyń 4-ýi «Keleshek mektepteri» ulttyq jobasy aıasynda salynǵan. Qalǵan 4 nysan qoldanystaǵy mektepterge japsarlas ǵımarat retinde boı kóterdi. Nátıjesinde 1 apatty, 1 úsh aýysymdy, 5 oqýshy tapshylyǵy bar, 6 tozyǵy jetken jáne ashanasy joq 1 mekteptiń máselesi ońynan sheshildi», deıdi basqarma basshysy.
Keler jyly Ertis-Baıan óńirinde úsh aýysymdy mektepter máselesi sheshiledi
N. Orshybekovtiń aıtýynsha, osy jyly 12 bilim berý nysany paıdalanýǵa beriledi. Nátıjesinde oqýshy tapshylyǵy bar 2 mekteptiń, tozyǵy jetken 4 mekteptiń jáne ashanasy men sport zaly joq 6 bilim ordasynyń máselesi sheshiledi.