Strategııalyq josparlaý jáne reformalar agenttigi Ulttyq statıstıka bıýrosynyń Túrkistan oblysy boıynsha departament basshysynyń orynbasary Nurqoja Bekjanovtyń málimdeýinshe, óńirde qonys aýdarýshylar sany ósken, dep habarlaıdy Egemen.kz.
Respýblıka kóleminde týý kórsetkishi boıynsha kósh basynda kele jatqan Túrkistan oblysynda 2025 jyly 43 327 sábı dúnıe esigin ashqan. Onyń 22 247-si ul, 21 080-i qyz bala. Jalpy oblys halqynyń sany 2 148 168 adamǵa jetken. Sonyń ishinde, qala halqy – 545 012, aýyl turǵyndarynyń sany – 1 603 156 adam.
Kóship kelýshiler qoldaýǵa zárý
Byltyr óńirde 10 112 neke tirkelgen. Strategııalyq josparlaý jáne reformalar agenttigi Ulttyq statıstıka bıýrosynyń Túrkistan oblysy boıynsha departament basshysynyń orynbasary Nurqoja Bekjanovtyń málimdeýinshe, qonys aýdarýshylar sany da ósken. Máselen, ótken jyly elimizdiń basqa oblystarynan 62 885 azamat qonys aýdarsa, 410 azamat dostastyq elderinen, 6 adam alys shetelderden Túrkistan oblysyna kóship kelgen.
О́tken jyly paıdalanýǵa berilgen turǵyn úılerdiń jalpy kólemi de artyp, 1 mln 235,9 myń sharshy metrge jetken. Iаǵnı aldyńǵy jylmen salystyrǵanda kórsetkish 6,6%-ǵa artyp otyr. Jalpy ótken jyly turǵyn úı qurylysyna 201 mlrd 829 mln teńge ınvestısııa salynǵan.