Qazaqstannyń úzdik tennısshileriniń biri Anna Danılına Australian Open týrnırinde jarqyn jeńiske jetip, juptyq synda jartylaı fınalǵa joldama aldy. Bul jetistik Qazaqstan tennıs tarıhyndaǵy mańyzdy belesterdiń biri sanalady, dep habarlaıdy Egemen.kz.
Áıelder arasyndaǵy Qazaqstannyń úzdik tennısshileriniń biri Anna Danılına serbııalyq Aleksandra Krýnıchpen birge týrnırdiń birinshi nómirli jubyna qarsy kortqa shyqty. Olardyń qarsylastary – juptyq syndaǵy álemniń birinshi jáne ekinshi raketkalary, chehııalyq Katerına Sınıakova men amerıkalyq Teılor Taýsend boldy. Tartysty ótken kezdesý 6:3, 3:6, 6:0 esebimen Danılına men Krýnıchtiń paıdasyna aıaqtaldy.
Atalǵan jup endi fınal joldamasy úshin kanadalyq Gabrıela Dabrovskı men brazılııalyq Lýıza Stefanı dýetimen kezdesedi. Aıta keteıik, Anna Danılına buǵan deıin, 2022 jyly, Australian Open týrnıriniń juptyq fınalyna deıin jetken edi.
Australian Open-2026: Anna Danılına shırek fınalǵa joldama aldy
Jas tennısshi de qýantty
Australian Open týrnıriniń jasóspirimder sanatynda taǵy bir Qazaqstan tennısshisiniń joly sátti jalǵasyp jatyr. 17 jastaǵy Zańǵar Nurlanuly týrnırdiń shırek fınalyna shyqty. Ol 1/8 fınalda reseılik Savva Rybkındi 6:1, 6:4 esebimen senimdi túrde jeńdi. Endi jartylaı fınal joldamasy úshin Gonkong ókili Kaı Tompsonmen kúsh synasady.
Byltyr Zańǵar Nurlanuly jasóspirimder arasyndaǵy US Open týrnırinde jartylaı fınalǵa deıin jetip, kópshilikti tańǵaldyrǵan. Endi ol taǵy bir «Úlken dýlyǵa» jarysynda joǵary nátıje kórsetpek.
17 jastaǵy qazaq tennısshisi álemdik reıtıngte joǵarylady
Aıta keteıik, búgin Qazaqstannyń taǵy bir juldyzy, álemniń besinshi raketkasy Elena Rybakına Australian Open týrnıriniń shırek fınalynda Polshanyń áıgili tennısshisi, «Rolan Garros», Ýımbldon jáne US Open chempıony Iga Shventekti sensasııalyq túrde jarys jolynan shyǵardy. Bul jetistikter otandyq tennıstiń álemdik arenadaǵy bedeli artyp kele jatqanyn aıqyn kórsetedi.
Australian Open: Elena Rybakına álemniń ekinshi úzdik raketkasyn jeńdi