ER MEREII – EL MEREII

Qazaqstandyqtar men Dostastyq elderiniń ókilderi Elbasymyzdy quttyqtaýda Memleket basshysynyń atyna qut­tyq­taý hattary kóptep túsýde. Qazaqstan Respýblıkasyndaǵy resmı adamdar, azamat­tar men uıymdar ózderiniń hattary men jedelhattarynda Prezıdent Nursul­tan Ábishuly Nazarbaevty mereıjasymen jáne memlekettik mereke – Elorda kúni­men quttyqtaıdy. Belgili qazaqstandyqtar Prezıdentti shyn júrekten quttyqtap, ıgi tilekterin bildiripti. Armııa generaly, Keńes Odaǵynyń Batyry, Halyq Qaharmany Saǵadat Nurmaǵambetov óz jedelhatynda: “Sizdi mereıjasyńyzben shyn júrekten quttyqtaýymdy qabyl alǵaısyz! Zor densaýlyq, uzaq ǵumyr jáne elimizdi alǵa jeteleı berýińizdi tileımiz”, – dep jazady. Osyndaı mazmundaǵy hattar men jedel­hattar­dy joldaýshylardyń arasynda Keńes Odaǵynyń Batyry, óskemendik Pavel Kolsov jáne Sosıalıstik Eńbek Erleri: Qostanaıdan Kámshat Dónenbaeva, Aqmola oblysynan Ibra­gım Janǵorazov, Shyǵys Qazaqstan oblysynan Qazybek Demeýbaev, Shymkentten Áýeshan Salyqbaev bar. “Biz, Uly Otan soǵysyna qatysýshylar, burynǵy fashıstik lagerlerdiń tutqyndary jáne tyl eńbekkerleri Sizdi týǵan kúnińizben quttyqtap, denińizge saýlyq, basy­ńyzǵa amandyq tileımiz, – dep jazady buryn­ǵy fashıstik lagerlerdiń zardabyn tartqan 83 jastaǵy Nına Evakovskaıa Aqmola oblysynan. – Jeńistiń 65 jyldyǵyna oraı kórsetken materıaldyq kómegińizge sheksiz rızashyly­ǵymyzdy bildiremiz”. Qazaqstandyq soǵys ardagerleri men tyl eńbekkerleri ózderi joldaǵan hattarynda Pre­zıdentke respýblıka halqynyń áleýetin art­ty­rý­ǵa baǵyttalǵan saıasaty úshin zor alǵys­taryn bildiredi. Olardyń qatarynda Almaty oblysynyń qurmetti azamaty Bekbolat Turys­janov, Shyǵys Qazaqstan oblysy, Abaı aýda­ny Ardagerler keńesiniń tóraǵasy Marat Qurmanbekuly, Ekibastuzdan S.Kýrjeı, Shyǵys Qazaqstan oblysy, Jarma aýdanyndaǵy soǵys jáne eńbek ardagerleri keńesiniń múshesi S.Jylqybaev, Astanadan zeınetker otbasy atynan Jeńis Ǵabdýllın, Túrkistannan zeınetker Ábildahan Shoımanov qatarly el azamattary bar. Prezıdenttiń atyna Atyraý oblysynan Aıǵan Dáýleshevten hat keldi. О́ner salasynyń qyzmetkerlerinen kóptegen quttyqtaý hattary men jedelhattar kelip tústi. Almatydan belgili ártis Tuńǵyshbaı Jamanqulov: “Qazaq eliniń baǵyna kelgen ult perzenti ekenińizdi seziný bizder úshin zor baqyt ári maqtanysh. Álem moıyndaǵan aqylman Elbasy, óz elimiz erekshe súıispenshilikpen úkilegen Ult kóshbasshysy mártebeleri – Qazaqstan jurtynyń mereıi”, – dep jazady. О́zderi joldaǵan jedelhattar men hattaryn­da Memleket basshysyn Almatydan Qazaqstan Res­pýblıkasynyń halyq ártisi Sara Tynyshty­ǵulova, Semeıden F.Dostoevskıı atyndaǵy memlekettik orys drama teatrynyń dırektory Iа.Gorelnık quttyqtaıdy. Osy qaladan Abaı­dyń memlekettik tarıhı-mádenı jáne ádebı-me­morıaldyq qoryq-murajaıy ujymynan qut­tyqtaý jedelhaty keldi. Nursultan Ábishuly Nazarbaevty qazaq­stan­dyq kásiporyndardyń ujymdary men basshylary quttyqtaǵan. Olardyń qatarynda Semeı qalasynan “Jınaqtaý temir-beton ón­diris­tik birlestigi” JShS jumysshylary men osy AQ-tyń basqarma tóraǵasy, Semeı qala­synyń qurmetti azamaty, Halyq Qaharmany Akım Atmachıdı, “Rysbaev jáne K” JShS ujymy, “Qazakeı-NK” JShS quryltaı­shylary V.Shegaı, B.Matjan, R.Pırmanov, Shyǵys Qazaqstan oblysynan “Agrofırma Prırechnoe” JShS jumysshylary, sondaı-aq “Atameken” odaǵy” ulttyq ekonomıkalyq palatasy bar. “Astana – bul Táýelsiz Qazaqstannyń sım­voly, onyń jastyǵynyń, alǵa umtylýynyń, perspektıvasynyń bet-beınesi. Astana – bul jańa bastamalar men armandardyń qalasy, isker de armany bıik jas qazaqstandyqtardyń qalasy, – delingen “Semeı avtojınaqtaý zaýyty” JShS ujymynyń hatynda. – Sizdi, qurmetti Nursultan Ábishuly, bári de anyǵynda elordanyń bas sáýletshisi dep esepteıdi”. Prezıdent poshtasyna ǵylym men bilim salasynyń qyzmetkerlerinen quttyqtaý hat-ha­barlary kóptep kelýde. “Kóp ultty respýblı­kada adamdar bir otbasy sııaqty – beıbitshilik pen dostyqta ómir súrýde. Sizdiń basshyly­ǵy­ńyzdyń arqasynda biz álemdik qarjylyq-eko­nomıkalyq daǵdarysty eńserdik, – dep jazady Qyzylordadan KSRO halyq muǵalimi Tólep­bergen Qasymov. – Elimiz damı túsýde jáne nyǵaıyp keledi. Sondaı-aq Siz jańa elordany turǵyzdyńyz. Ádemi qala úshin Sizge rahmet!” Nursultan Ábishuly Nazarbaevty Almaty­dan ǵalymdar quttyqtady, olardyń qatarynda akademık Qurban Amannııazov, KSRO qurmetti munaıshysy, akademık Nadır Nadırov, pro­fes­sor Elimhan Ermekbaev, tehnıka ǵylymdary­nyń kandıdaty Álembek Jumabekov, sondaı-aq Aqtaýdan Gúlbaný Shamshadınova men Shy­ǵys Qazaqstan oblysy, Borodýlıha aýdany, Komarov atyndaǵy orta mekteptiń ustazdar ujymy bar. Shyǵys Qazaqstan oblysy, Glýbokoe aýdanynyń muǵalimderi bylaı dep jazady: “Sizdiń dana saıasatyńyzdyń arqasynda, Glýbokoe aýdanynda balalardy mektepke deıingi tárbıemen jáne oqýmen qamtamasyz etý jónindegi “Balapan” baǵdarlamasy júzege asyryla bastady. 2010 jylǵy 1 qyrkúıekten bastap, aýdanda 12 shaǵyn ortalyq pen balabaqsha kesheni iske qosylatyn bolady”. Aqordaǵa quttyqtaýlar elimizdiń ártúrli ulttyq-mádenı birlestikterinen kelip túsip jatyr. Olardyń arasynda Pavlodardan jedelhat joldaǵan “Elbrýs” etnomádenı birlestiktiń basqarma tóraıymy Marııa Baıramqulovany, Shyǵys Qazaqstan oblysy, Shemonaıha kentinen nemis ortalyǵynyń múshesi Nına Bıýhertti atap ótýge bolady. “Sizge, Nursultan Ábishuly, qazaq halqynyń uly perzentine, XXI júzjyldyqta Qazaqstan tarıhyn qurý baqyty buıyrǵan, – dep jazady “Qazaqstandaǵy uıǵyrlar respýb­lıkalyq ortalyǵy” AQ tóraǵasy Ahmetjan Shardınov. – Biz, qazaq nemese káris bolsyn, orys nemese uıǵyr bolsyn, ıa bolmasa ózbek nemese evreı bolsyn, ol mańyzdy emes, bar­lyq qazaqstandyqtardyń tabystaryna qýana­myz. Bizdiń bárimiz de Qazaqstan Respýb­lı­kasynyń azamattarymyz jáne Siz – bizdiń Prezıdentimizsiz!” Kóptegen hattar men jedelhattar Nursultan Nazarbaevtyń atyna myna tómendegi qazaq­stan­dyqtardan kelip tústi – Tarazdan G.Mu­sa­shev, Qaraǵandydan Baqyt Jákisheva men Jasuzaq Sultanbekov, Oraldan Emılııa men Aıjan Dinishevalar, Shyǵys Qazaqstan obly­synan Aıjuldyz Tileılesova. Prezıdentti Alma­tydan – Isa Tumanov, Jaqsybaı Bázil­baev, Esbolǵan Tegisbotuly, Ismaılovtar ot­ba­sy, Záıtún Jandosova, Bıjamal Ramazanova quttyqtady. “Elimizdiń gúldenýi men beıbitshiliktiń, onyń ıntellektýaldyq jáne ǵylymı áleýeti­niń, qazaqstandyqtardyń ómir súrý sapasyn arttyrýdyń kepili bola berińiz”, – delingen Almatydan joldanǵan Roza Daýylbaeva men Rústem Bııashevtiń jedelhatynda. Quttyqtaý hattary men jedelhattaryn Qa­ra­­ǵ­andydan Nadejda Vasıleva, Taldy­qor­ǵan­nan Aralbaevtar otbasy, Semeıden Gúlnár Isma­ǵulova, Tarazdan Janahmetovter, Petro­pavldan Iskakovtar, Araldan Quralaı Meń­diqulova, Nurgúl, Taldyqorǵannan Baqytjamal ana men onyń balalary joldapty. Memleket basshysyna Túrkistannan hat joldaǵan Shaıyqbek Qudaıbergenov ózindegi úlken qýanyshty – 6 shildede ómirge kelgen sábıge Prezıdenttiń qurmetine – Nursultan dep esim bergenin qýanyshpen jazady. Oraldan L.Tokashılova, Almatydan Na­dejda Teslıýk, Ekibastuzdan Anna Pastýshenko, Qyzylordadan Hanzada Qunanqaraev ózderi jol­daǵan quttyqtaýlaryn jyr joldarymen kestelegen. Sondaı-aq Prezıdentti Astanadan Keńeshan Janǵurshyqov, Almaty oblysynan Maqpal Muqanbekova, Almatydan Qaıym Muhamedha­nov­tar otbasy, Asqar Talqanbaev, Sákenovter, Aq­tóbeden Bekjan Esirkepov, Ájen Qanbıbı, Asylmurat Turǵanbekuly, Naılıa О́tebaeva, Kókshetaýdan Lıýbov Maketıe, Qabıra Saqypova, Ońtústik Qazaqstan oblysynan Pýlat Turmanov, Qaraǵandy oblysynan Baǵlan О́tepbergenov, Qaraǵandydan Marat Nazarbaev, Tarazdan Bezilbekovter, sondaı-aq Taldyqorǵannan Karboz Orynbek quttyqtady. Memleket basshysynyń atyna Reseı Federasııasynan kóptegen quttyqtaý jedelhattar kelip tústi. Evgenıı Prımakov óziniń jedelhatynda Qazaqstan Prezıdentiniń daýsyz maqtan etýge bolatyn sańlaq kóshbasshylar qataryna ja­tatynyn atap ótipti. “Bizdiń halyqtarymyzdyń Táýelsiz Memleketter Dostastyǵy aıasynda tyǵyz ıntegrasııaǵa umtylýy Sizdiń atyńyzben tikeleı baılanysty. Sizdiń kúsh-jigerińizben tarıhı, jalpyadamzattyq máni bar Eýrazııa qoǵamdastyǵy formýlasy ómirge engizilýde”, – dep jazady ol. Reseı Federasııasy Prezıdentiniń keńesshisi Vıktor Chernomyrdınniń quttyqtaý jedelhatynda Nursultan Nazarbaevtyń kóp jyldyq jemisti eńbegi álemniń túkpir-túk­pirindegi mıllıondaǵan adamdardy tánti etkeni aıtylady. “Sizdiń kúsh-jigerińiz ózińiz negizin salǵan Qazaqstannyń múddesine, beı­bitshilikti nyǵaıtý isine, tatý kórshilik pen senimdi serik­testik qatynastardy damytýǵa, qyzmettiń bar­lyq salasy boıynsha halyqaralyq áriptestikti keńeıtýge qaltqysyz qyzmet etip keledi”, – delingen jedelhatta. “Rosnanoteh” memlekettik korporasııasy­nyń bas dırektory Anatolıı Chýbaıs óziniń quttyqtaýynda Prezıdent Nazarbaevtyń ar­qa­synda Reseı kóptegen sala boıynsha aýqym­dy jobalardy júzege asyrýda senimdi seriktes jáne adal dos taýyp otyrǵanyna toqtala kele: “Reseılik nanotehnologııalar korporasııasynda biz jalpy bıýdjeti 3 mlrd. rýbldi quraıtyn reseılik-qazaqstandyq enshiles qoryn qurýǵa ýaǵdalasa otyryp, ınnovasııa salasyndaǵy yn­tymaqtastyǵymyzdy damytýǵa úles qosa alǵa­nymyz úshin maqtanamyz. Qor qyzmeti bizdiń elderimiz ekonomıkasynyń jedeldetilgen jańarýyn qamtamasyz etedi”, – dep jazypty. “Rosatom” memlekettik korporasııasynyń bas dırektory S.V.Kırıenko Nursultan Nazarbaevty mereıjasymen quttyqtap, jemisti eńbek etýin jáne oıǵa alǵan barsha jospary­nyń oryndalýyn tileıtinin bildiripti. “Áli de uzaq jyldar boıy kúsh-jigerińizdiń, qaıratyńyzdyń jáne shyǵarmashylyq áleýe­tińiz­diń sarqylmaýyn tileımin”, – depti Qa­zaq­stan kóshbasshysyna joldaǵan óziniń qut­tyqtaý jedelhatynda Reseı Jınaqbankiniń bas­qarma tóraǵasy jáne prezıdenti German Gref. Prezıdent N.Nazarbaevty mereıjasymen “Gazprom” AAQ basqarmasy atynan A.B.Mıller quttyqtady. “Gazpromnyń” bas­qarma tóraǵasy Reseı Federasııasy men Qazaqstan Respýblıkasynyń gaz salasyndaǵy eki jaqty tıimdi seriktestigi odan ári tabysty damı beretinine jáne nyǵaıa túsetinine senim bildiripti. Bashqurtstan Respýblıkasynyń Prezıdenti M.Rahımov Nursultan Ábishulyn mereıjasy­men qyzý quttyqtaı otyryp, óziniń jedel­hatyn­da bylaı dep jazady: “Qazaqstan Sizdiń basshylyǵyńyzben áleýmettik-ekonomıkalyq jáne rýhanı-mádenı áleýetin qarqyndy art­tyryp keledi, álemdik qoǵamdastyqqa belsendi kirigýde. Bizdiń respýblıkalarymyzdyń arasyndaǵy iskerlik baılanystar da barǵan saıyn jandana túsýde”. Ingýshetııa Respýblıkasynyń Prezıdenti Iýnýs-Bek Evkýrov Qazaqstan Prezıdentiniń beıbitshilik pen kelisimdi nyǵaıtýdaǵy rólin óte joǵary baǵalaıdy. Evkýrov óziniń jedelhatynda: “Qazaqstan ıngýsh halqy úshin ekinshi Otan bolyp sanalady. Qazaq halqy da ıngýshtardan ózderiniń adal senimdi dostaryn taýyp otyr”, – dep jazady. Reseı Federasııasy Kemerov oblysynyń gýbernatory Aman Tóleev óz jedelhatynda Nursultan Nazarbaevqa “asqan dana adam, moıyndalǵan kóshbasshy jáne táýelsiz, egemen memlekettiń negizin qalaýshy” retinde óte joǵary qurmet bildiripti. Kemerov oblysynyń gýbernatory “Qazaqstannyń ekonomıkadaǵy, áleýmettik saladaǵy fenomendik jetistigi” N.Á.Nazarbaevtyń memlekettik qyzmeti barysynda Qazaqstan halqy úshin ólsheýsiz kúsh-jiger jumsaǵanynyń kórinisi dep sanaıdy. Nursultan Nazarbaevtyń mereıjasyna baılanysty aq tilekke toly quttyqtaýlar Reseı Federasııasynyń ózge oblystary gýber­natorlarynan kóptep tústi. Atap aıtqanda, Orynbor oblysynan Iý.A.Berg, Astrahan obly­synan A.A.Jılkın, Saratov oblysynan P.L.Ipatov, Sverdlov oblysynan A.S.Mı­sha­rın, Penza oblysynan V.K.Bochkarev, Kırov oblysynan N.Iý.Belyh, Mýrmansk oblysynan D.V.Dmıtrıenko, Kalınıngrad oblysynan G.V.Boos quttyqtaýlar joldaǵan. Reseı Ortalyq saılaý komıssııasynyń tóraǵasy V.E.Chýrov Prezıdent Nursultan Nazarbaevty mereıjasymen quttyqtap, mereı­jas ıesine zor densaýlyq jáne Qazaqstandy damytý jolynda jańa tabystar tiledi. Qazaqstan Prezıdentiniń atyna RF Memlekettik Dýmasyndaǵy “Birtutas Reseı” fraksııasy jetekshisiniń birinshi orynbasary, Keńes Odaǵynyń jáne Reseı Federasııasynyń Batyry A.N.Chılıngarovtan quttyqtaý jedel­haty keldi. Belgili ǵalym, polıar zertteýshisi Reseı men Qazaqstan arasyndaǵy berik dos­tyqty nyǵaıtýdaǵy N.Á.Nazarbaevtyń rólin joǵary baǵalaıdy. “Men bizdiń kezdesýlerimizdi ystyq yqylaspen eske alamyn jáne Lenın­grad qorshaýy jyldarynda ózime pana bolǵan Qazaqstanǵa sheksiz rızashylyǵymdy bildiremin”, – dep jazady A.N.Chılıngarov. Reseılik parlamentshiler de ózderi joldaǵan quttyqtaý hattar men jedelhattarda Nursultan Nazarbaevtyń memleketke sińirgen eńbegin úlken qurmetpen atap ótedi jáne mereıjaspen quttyqtaıdy. Olar: RF Federaldyq Jınalysy Federaldyq Keńesiniń músheleri A.A.Aslahanov, Iý.V.Smırnov jáne N.I.Ryjkov, RF Memlekettik Dýmasynyń depýtaty O.V.Savchenko, Altaı ólkelik zańshyǵarý jınalysynyń tóraǵasy I.I.Loor. Sonymen qatar Nursultan Ábishuly Nazarbaevty mereıjasymen jáne Astana kúnimen TMD Ekonomıkalyq sotynyń tór­aǵa­sy F.Abdýlloev, RF Prezıdentiniń keńesshisi Iý.K.Laptev, “Dneprovskıı metkombınat” AAQ bas dırektory I.D.Býga, “KamAZ” AAQ bas dı­rek­tory S.A.Kogogın, “Mechel” AAQ bas dı­rek­tory I.V.Zıýzın, “Bank VTB” AAQ prezıdenti-tóraǵasy A.L.Kostın, Reseı Agroónerkásiptik odaǵynyń tóraǵasy I.A.Obolensev, “MRSK” hol­dınginiń bas dırektory N.N.Shves, S.M.Vaınsh­tok, ITAR-TASS aqparat agent­tiginiń dırektory V.N.Ignatenko, “Novye Izves­tııa” gazetiniń bas redaktory V.V.Iаkov, RF Prezıdenti janyndaǵy Reseı memlekettik qyzmet akademııasynyń rektory V.K.Egorov, Omby ýnıversıtetiniń professory N.A.Tomı­lov, Dnepropetrovsk oblystyq keńesiniń tóraǵasy E.G.Ýdod, Dneprodzerjınsk ekonomıka jáne menedjment ınstıtýtynyń dırektory V.Shves jáne Dneprodzerjınsk ýkraın-qazaq dostyǵy qoǵamynyń teń tóraǵasy L.Ejevskıı quttyqtady. Qazaqstan Prezıdentiniń atyna belgili mádenıet jáne óner qaıratkerlerinen de aq tilekterin arnaǵan quttyqtaýlar kelip tústi. Olardyń ishinde kınorejısser Georgıı Danelııa, Reseı halyq ártisteri Vladımır Vınokýr, Alekseı Gýskov, KSRO halyq ártisteri Nadejda Pavlova, Igor Lýchenko, aqyn Anatolıı Lýkıanov-Osenev, RF eńbek sińirgen ártisi Anıta Soı bar. Nursultan Ábishuly Nazarbaevty mereı­ja­symen Belarýs, Qyrǵyzstan, Reseı jáne basqa da Dostastyq elderiniń azamattary hat, je­del­hattar arqyly quttyqtady: Velıkıe Lýkıden V.S.Garkýsha, Bishkekten A.Kakeev pen E.S.Ab­dıkaımov, Krasnodar ólkesinen S.V.Iаn­kovskıı, Kıev qalasynan A.P.Mýrashko, Eka­terınbýrgten B.E.Polıakov, Penzadan Zıno­vevter otbasy, Astrahannan M.Bısengalıeva, Blagoveshenskiden V.Nıhaenko, R.H.Makýev, Máskeýden V.Lobov, Zeleno­grad­tan G.V.Boeva jáne Ombydan A.Ordabaev quttyqtaý joldapty.