Aral aýdanynda gazdandyrý jumysy bastaldy

Bıylǵy jyly Qyzylorda oblysy eldi mekenderiniń 70 paıyzy «kógildir otynmen» qamtamasyz etiledi. Bul týraly oblys ákiminiń baspasóz qyzmeti habarlady. О́tken jyly «Beıneý-Bozoı-Shymkent» gaz qubyrynyń qury­lysy aıaqtaldy. Osyǵan oraı Qyzylorda oblysy eldi meken­derine gaz tartýdyń da múmkindigi týdy. Oblystyq bıýdjet esebinen «kógildir otynǵa» 23 mlrd. teńge qarjy bólingen. Aımaqty gazben qamtý aıasynda 1000-nan asa jumys orny ashylady. О́ńirde birinshi bolyp Aral aýdanynda gaz júrgizý jumystary qolǵa alyndy. Ol 18 aqpan kúni resmı jaǵdaıda bastaldy. Endi «Beıneý-Shymkent» gaz qubyry arqyly Aral qalasy 100 paıyz gazben qamtylatyn bolady. Sodan keıin kezeń-kezeńimen aýdandaǵy eldi mekenderge gaz tartý jumystary júrgiziledi. – Biz Qyzylorda oblysynyń eldi mekenderin gazdandyrý jumystaryn búginnen bastap kettik. Qazirgi tańda Aral, Jańa­qorǵan aýdandarynyń ortaly­ǵynda qubyrlardy dánekerleý ju­mystary júrgizile bastady. Jyl sońyna deıin qurylys jumys­taryn merziminde ári sapaly oryndaýǵa ýáde beremiz, – dedi «QazTransGaz Aımaq» AQ Qy­zylorda óndiristik fılıalynyń dırektory Serikhan Baızaqov. Murat AITQOJA.