AQSh prezıdenti Donald Tramp Irandy ıadrolyq kelisimge tez arada kelýge shaqyryp, talap oryndalmasa, kelesi áskerı soqqynyń áldeqaıda aýqymdy bolatynyn málimdedi. Onyń aıtýynsha, AQSh Iran baǵytyna iri áskerı kúsh shoǵyrlandyryp jatyr, dep jazady Egemen.kz.
Truth Social áleýmettik jelisinde jarııalaǵan jazbasynda Tramp Iranǵa sońǵy eskertý jasady. Ol Tegerandy ıadrolyq qarýdan bas tartýdy kózdeıtin «ádil ári teń» kelisimge kelýge úndedi.
«Iran kelissóz ústeline tezdetip otyrady dep úmittenemin. Ýaqyt tyǵyz, bul shynymen de sheshýshi kezeń. Kelesi soqqy budan da aýyr bolady», dep jazdy AQSh prezıdenti.
Iran tóńiregindegi qaýip munaı baǵasyn qaıta qymbattatty
Tramptyń aıtýynsha, Iranǵa bet alǵan amerıkalyq áskerı kemeler tobyna USS Abraham Lincoln ushaq tasymaldaıtyn kemesi jetekshilik etip keledi. Prezıdent bul keme qajet jaǵdaıda áskerı kúsh qoldanýǵa daıyn ekenin atap ótti.
О́tken aptada-aq AQSh Iranmen aradaǵy qarym-qatynastyń ýshyǵýyna baılanysty Taıaý Shyǵystaǵy áskerı qatysýyn kúsheıtip jatqany habarlanǵan. Vashıngton bul áreketterdi aımaqtaǵy qaýipsizdik pen strategııalyq múddelerdi qorǵaý qajettiligimen túsindirip otyr.