Úshjaqty komıssııanyń kezekti basqosýy

Úkimettiń keńeıtilgen otyrysynda Memleket basshysy N.Á.Nazarbaevtyń bergen tapsyrmalaryn júzege asyrý maqsatynda Premer-Mınıstrdiń orynbasary Berdibek Saparbaevtyń tóraǵalyǵymen Áleýmettik seriktestik jáne áleýmettik jáne eńbek qatynastaryn retteý jónindegi respýblıkalyq úshjaqty komıssııanyń kezekti otyrysy ótti. Is-sharaǵa Densaýlyq saqtaý jáne áleýmettik damý, Ulttyq ekonomıka, Investısııalar jáne damý, Energetıka, Qarjy, Ádilet jáne ózge de mınıstrlikterdiń je­tekshileri, sondaı-aq, oblys­tar, Astana jáne Almaty qalalary ákim­deriniń orynbasarlary, respýb­lıkalyq kásipodaqtar uıym­d­arynyń, Ulttyq kásip­kerler pala­tasynyń basshylary qatysty. Otyrys barysynda, óndiristik úderisterdi tu­raqtandyrý, eńbek quqyqtaryn jáne jumyskerlerdiń kepil­dik­terin qamtamasyz etý, áleýmettik qorǵaý jáne jumystan bosaǵan jumysshylardy eńbekpen qamtý máseleleri boıynsha ákim­dikter men kásiporyndar jetek­shileri arasynda memorandýmdar jasaý, eńbek daýlarynyń aldyn alý boıynsha is-sharalar,  Úkimet, jumyskerler men jumys berýshilerdiń res­pýb­lıkalyq birlestigi arasyndaǵy 2015-2017 jyldarǵa arnalǵan Bas kelisimdi júzege asyrý boıynsha is-sharalar jospary týraly máseleler qaraldy. Búgingi tańda respýblıka boıynsha óńirlerdiń ákimdikteri men kásiporyndar arasynda 23 myńnan astam memorandýmǵa qol qoıyldy, onyń ishinde 1117-si – iri kásiporyndar, 22949-y – orta jáne shaǵyn kásiporyndar. Olardyń jumyskerleriniń jalpy sany 1,4 mln. adamnan asady. Memorandýmdar boıynsha júktelgen mindettemelerdi oryndaý úshin úshjaqty komıssııalar sheńberinde memorandýmdardyń oryndalý barysyna aı saıyn baqylaý jasaý tájirıbesi engizilip, áleýmettik únqatysý (ujym­dyq kelisimsharttar, eńbek shart­tary, jalaqy jáne t.b.) qu­rý boı­ynsha jasalǵan jumys­tar jóninde kásiporyndar jetek­shi­leri­niń esepteri tyńdalyp otyrady. Sonymen qatar, aǵymdaǵy jyl­dyń naýryz aıynda jumys oryndaryn saqtaý jáne jumys­kerlerdiń jumystan bosaýyna jol bermeý máseleleri jónindegi áleýmettik seriktestik boıynsha óńirlik kelisimderge ózgerister men tolyqtyrýlar engiziledi. Memorandýmdar aıasyndaǵy mindettemelerdiń oryndalýyna monıtorıng aqparattyq júıe negizinde jasalady. Ol júıe zeınetaqy aýdarymdary boıynsha jumyskerlerdiń jumystan bosaýyn aı saıyn baqylap otyrady. Eńbek daýlarynyń aldyn alý úshin Densaýlyq saqtaý jáne áleý­mettik damý mınıstrligi Bas prokýratýramen, Qarjy jáne Ádilet mınıstrlikterimen, Jumys berý­shiler men jumyskerlerdiń respýb­lıkalyq birlestigimen birle­sip jalaqy boıynsha qaryz­darǵa aı saıyn monıtorıng júrgi­zýde, eńbek zańnamasyn buzý jaǵdaılaryna saraptama jáne kásip­oryndardyń ujymdyq kelisim­dermen qamtylýyna monı­torıng jasaýda, múddeli memle­kettik organdar, jumys berý­shiler men jumyskerlerdiń respýblıkalyq birlestigi ókilderiniń qatysýymen eńbek daýlaryna jol bermeý boıynsha usynystar ázirleý jáne is-sharalar qabyldaý boıynsha kezdesýler ótkizýde. Sonymen qatar, múddeli memlekettik organdarmen jáne Jumys berýshiler men jumys­kerler­diń respýblıkalyq birles­tigimen birlesip, Úkimet pen Jumys­kerler men jumys berýshilerdiń respýblıkalyq birlestigi arasyndaǵy 2015-2017 jyldarǵa arnalǵan Bas kelisimdi júzege asyrý boıynsha is-sharalar josparynyń kelisilgen jobasy ázirlendi. Densaýlyq saqtaý jáne áleýmettik damý mınıstrligi Áleýmettik shıelenis kartasy negizinde jumys oryndaryn qurý bóliginde «Nurly Jol» memlekettik baǵdarlamasyn iske asyrý barysyna turaqty monıtorıng jasaıdy. Otyrysty qorytyndylaı kele, Berdibek Saparbaev áleýmettik seriktestik áleýmettik jáne eńbek qatynastary salasyndaǵy memlekettik saıasatty iske asyrý tetikteriniń biri ekenin atap kórsetti. Bul shara jumyskerlerdiń áleýmettik-ekonomıkalyq múddeleri máse­lelerin sheshýge, eńbek kepil­dikterin jáne áleýmettik turaq­ty­lyqty saqtaýǵa múmkindik beredi. Premer-Mınıstrdiń orynbasary óndiristik úrdisterdi turaqtandyrý, eńbek quqyqtaryn jáne jumyskerlerdiń kepildikterin qamtamasyz etý, áleýmettik qorǵaý jáne jumystan bosaǵan jumysshylardy eńbekpen qamtý máseleleri boıynsha ózara yntymaqtastyq týraly memorandýmdar jasaý, jumystan bosaý, qysqarý táýekelderine jáne jumyskerlerdiń ózge de eńbek quqyqtarynyń buzylý oqıǵalaryna turaqty monıtorıng jasaý, óndiristik jaraqattanýshylyqtyń ósýine jol bergen jumys berýshilerge qatań sharalar qoldaný, eńbek daýlaryna jol bermeý boıynsha is-sharalar qabyldaý boıynsha tapsyrma berdi.