Ulttyq qaýipsizdik komıteti «OrdaMed» AQ basqarma tóraǵasy Erkin Dilimbetovke halyqaralyq izdeý jarııalady. Is 28 qańtarda tirkelip, jedel-izdestirý sharalaryn UQK Sybaılas jemqorlyqqa qarsy is-qımyl qyzmeti júrgizip jatyr, dep habarlaıdy Egemen.kz.
Buǵan deıin UQK medısınalyq buıymdardy zańsyz ımporttaýǵa qatysty shemany anyqtaǵan edi.
Tergeý derekterine sáıkes, «OrdaMed» basshylyǵy Qazaqstanda óz óndirisi bar ekenin rastaıtyn jalǵan qujattardy paıdalanǵan. Sonyń negizinde kompanııa memlekettik medısınalyq mekemelerge jabdyqtardy jeńildetilgen sharttarmen jetkizýge zańsyz artyqshylyqtar alǵan.
Shyn máninde atalǵan medısınalyq jabdyq tolyqtaı shetelden jetkizilgeni belgili boldy. Málimdemege jaýap retinde «OrdaMed» AQ-nyń negizin qalaýshy ári basshysy Erkin Dilimbetov resmı túsinikteme bergen bolatyn.