K.Baıseıitova atyndaǵy Qazaq ulttyq óner ýnıversıtetinde «Jastar» ǵylymı-zertteý ortalyǵy JastarX dıalog alańynda otyrys uıymdastyrdy. Jıynda parlamenttik reforma jáne jastardyń memlekettik úderiske qatysýy týraly máseleler tóńireginde oı bólisti.
Jıynda saıasat, quqyq jəne qoǵamdyq damý salasyndaǵy sarapshylar sóz sóıledi. Olar parlamenttik reforma jáne jastardyń memlekettik úderisterge qatysýy týraly máselelerdi talqylady.
Aıta keteıik, 2023 jyldan bastap Mádenıet jáne aqparat mınıstrliginiń qoldaýymen «Jastar» ǵylymı-zertteý ortalyǵy qoǵam men jastardy tolǵandyratyn ózekti jáne mańyzdy máseleler boıynsha erkin ári ashyq dıalog formatyndaǵy jańa JastarX saraptamalyq alańyn iske qosty.
Saraptamalyq alańnyń maqsaty – memlekettik organdar, sarapshylar qaýymdastyǵy jáne jastar arasyndaǵy baılanysty nyǵaıtyp, jastardyń pikirin eskere otyryp, ózekti áleýmettik máseleler boıynsha tıimdi sheshimder qabyldaýǵa yqpal etý, sondaı-aq azamattyq belsendilik pen jastardyń qoǵamdyq ómirge belsene qatysýyn arttyrý.