Qarashyǵanaq jobasyna qatysty halyqaralyq tórelik Qazaqstannyń paıdasyna sheshildi. Ken ornyn ıgerip jatqan iri munaı kompanııalary 4 mlrd dollarǵa deıin ótemaqy tóleýi múmkin. Bul sheshim elimizdiń munaı-gaz sektoryndaǵy eń iri quqyqtyq jeńisterdiń biri retinde baǵalanyp otyr, dep habarlaıdy Egemen.kz.
Alaıda prosess formaldy túrde áli aıaqtalǵan joq. Tórelik sheshim oryndalý satysynan ótýi tıis, sondaı-aq ınvestorlar tarapynan apellıasııalyq rásimder bolýy múmkin. Osy sebepti memlekettik organdar ázirge pikir bildirýden tartynyp otyr. Sebebi merziminen buryn jasalǵan málimdemeler ótemaqyny óndirip alý barysyna áser etýi yqtımal.
Qarashyǵanaq operatorlary Qazaqstanǵa 4 mlrd dollar ótemaqy tóleıdi
Tengenomika arnasynyń jazýynsha, Qazaqstan halyqaralyq quqyqtyq júıe aıasynda óz múddesin qorǵaı alatynyn bildirip, kelisimshart talaptary men tórelik tetikterge súıene otyryp áreket etý qabiletin kórsetti. Bul – ınstıtýsıonaldy tájirıbeniń kórsetkishi. Al jınalǵan quqyqtyq tájirıbe seriktestik qurylymy uqsas basqa jobalar úshin de praktıkalyq mańyzǵa ıe.
AQSh Kaspıı qubyr konsorsıýmy, «Teńizshevroıl» jáne Qarashyǵanaq jobalaryna qatysty sanksııalardy toqtatty
Sonymen birge bul daýdyń nátıjesi Qazaqstannyń ınvestısııalyq saıasatyn qaıta qaralady degendi bildirmeıdi. El sheteldik kapıtal men tehnologııa tartýǵa, sonyń ishinde munaı-gaz sektoryna, burynǵydaı múddeli. Bul jaǵdaı ózara is-qımyldyń shekarasyn naqtylaı túsedi: kelisimshart talaptary men qarjylyq mindettemelerdi saqtaý – barlyq taraptar úshin negizgi qaǵıda.
Sheteldik ınvestorlar úshin bul jaǵdaı quqyqtyq erekshelikterdiń mańyzyn eske salady. Uzaq merzimdi munaı-gaz jobalarynda dál osy quqyqtyq tetikter daýlar týyndaǵan kezde taraptardyń pozısııasyn qorǵaýdyń negizine aınalady.
2028 jyly Qarashyǵanaqta gaz óńdeý zaýyty iske qosylady