Memleket basshysy volonterlar forýmynda aıtylǵan usynystardy qoldaıtynyn jáne olardyń eń paıdalysyn júzege asyrý boıynsha tapsyrma beretinin jetkizdi, dep habarlaıdy Egemen.kz.
Prezıdent naǵyz volonter tutas qoǵamnyń ıgiligin oılaıtyn, elimizdiń murat-múddesin bıikke qoıatyn sanaly azamat ekenin atap ótti.
«Osy oraıda, búgin men barsha eriktilerge shynaıy alǵysymdy aıtamyn. Sizder barlyq ıgi istiń basy-qasynda, halqymyzdyń arasynda júrsizder! Elimizdiń damýyna eleýli úles qosyp kelesizder.
Jańa ǵana birneshe azamat sóz sóıledi, salmaqty oılaryn ortaǵa saldy. Utymdy usynystaryn jetkizdi. Olardyń kóbin men qoldaımyn, eń paıdaly usynystaryńyzdy júzege asyrýǵa tapsyrma beremin.
Halqymyz «Aqyl – jastan» dep beker aıtpaǵan.
Qazaqstannyń bolashaǵy – osyndaı belsendi ári jigerli ul-qyzdarymyzdyń qolynda. Bárińizge «Jaraısyzdar!» dep aıtqym keledi», dedi Prezıdent.
Búgin Qasym-Jomart Toqaev Volonterler forýmynda sóz sóılep, volonterdiń sıfrly pasportyn jasaý týraly bastamaǵa qoldaý bildirdi.
Qazaqstanda volonterler sany 300 myńǵa jetti