«Qazaqstan «volonter bolam, qoǵamdyq ispen aınalysam» degen árbir azamatty qoldaıdy. Bul týraly Memleket basshysy Qasym-Jomart Toqaev Volonterler forýmynda aıtty, dep habarlaıdy Egemen.kz.
Prezıdent óz sózinde qazir elimizde 1 ulttyq jáne 20 aımaqtyq front-ofıs tabysty jumys istep turǵanyn eske saldy. Onyń aıtýynsha, eriktilerdiń sany da artyp keledi. 2020 jyly Qazaqstanda 50 myń volonter bar edi. Qazir olardyń qatary 300 myń adamǵa jetken. Elge paıdaly jumyspen aınalysatyn uıymdardyń sany tórt esege jýyq ósip, 800-den asty.
Qasym-Jomart Toqaev Volonterler forýmynda sóz sóıledi
«Qazirgi tańda eriktilerimiz ekologııa, bilim, mádenıet jáne basqa da salalar boıynsha mańyzdy bastamalar kóterýde. Sonyń ishinde «Jas aǵash», «Eko baqylaý», «Bilim volonterleri» jobalaryn erekshe atap ótýge bolady. Osyndaı is-sharalarǵa 100 myńǵa jýyq erikti qatysty. Ár bastamanyń elge, qoǵamǵa berer paıdasy mol. Men ózderińiz sııaqty jasampaz jastarǵa zor úmit artamyn. Biz bárimiz bir el bolyp, aýqymdy sharýa atqardyq. Endi toqtamaı, tek qana alǵa qaraı júrý úshin zaman aǵymyna saı bolý óte mańyzdy», dedi Memleket basshysy.
Eske salaıyq, búgin Prezıdent Ispanııa Koroli VI Felıpeni týǵan kúnimen quttyqtap, jedelhat joldady.