Volonterler forýmyndaǵy sóılegen sózinde Memleket basshysy Otanymyzdy kórkeıtý, ıaǵnı Zań men tártip ústemdik qurǵan, Ádiletti, Qaýipsiz ári Taza Qazaqstandy qurý – barshaǵa ortaq mindet ekenine toqtaldy, dep habarlaıdy Egemen.kz Aqordanyń baspasóz qyzmetine silteme jasap.
Prezıdenttiń aıtýynsha, álemdegi túrli qaqtyǵystar men shıelenister ýshyǵyp, bolashaqty boljaý qıynǵa soǵyp otyr.
«Soǵan qaramastan elimiz ósip-órkendep keledi. Biz tabandy eńbektiń arqasynda barlyq maqsat-muratymyzǵa jetemiz. Kez kelgen syn-qaterge tótep beremiz. О́skeleń urpaqtyń kózi ashyq, kókiregi oıaý, uqypty, tártipti, jınaqy bolǵany, jaqsy men jamandy aıyra bilgeni aıryqsha mańyzdy.
Taǵy da atap ótkim keledi: men halqymyzdyń, ásirese, jas býynnyń kúsh-jigerine, jasampaz rýhyna senemin.
Qazaqstan – bizdiń jalǵyz Otanymyz, bárimizdiń qasterli mekenimiz. Elimizdi eshkim syrttan kelip kórkeıtip bermeıdi. Qazaqstannyń myqty, qýatty, ozyq bolǵany tek bizge ǵana kerek.
Súıikti Otanymyzdy kórkeıtý, ıaǵnı Zań men tártip ústemdik qurǵan, Ádiletti, Qaýipsiz ári Taza Qazaqstandy qurý – barshamyzǵa ortaq mindet. Osy mindetti oryndaý úshin bárimiz bir qoǵam bolyp eńbek eteıik, dostar!», dedi Memleket basshysy.
Volonterlerge arnalǵan jańa platformalar qurylady
Forýmda sondaı-aq Májilis depýtaty, «Ulttyq volonterlik jeli» zańdy tulǵalar birlestiginiń jetekshisi Vera Kım, «Medısına jastary» respýblıkalyq qoǵamdyq birlestiginiń tóraǵasy Abylaıhan Ábdirash, Dosco qoǵamdyq qorynyń dırektory Aınur Aımurzına, ekovolonter Baýyrjan Jaqypov, tarıhı-mádenı muralar salasyndaǵy volonter Andreı Lýtoshkın, Halyqaralyq volonterler jylynyń Eýropa men Ortalyq Azııa boıynsha aımaqtyq úılestirýshisi, BUU-daǵy qazaqstandyq erikti Zarına Mırabdýllaeva sóz sóıledi.
Memleket basshysy: Konstıtýsııaǵa qandaı da bir ózgerister tek referendým arqyly ǵana engizilýi kerek