Sońǵy jyldardaǵy iri tótenshe jaǵdaılar – volonterlerdiń TJ zardaptarynyń aldyn alý-joıý jumystary boıynsha mańyzdy rólin kórsetti. Mysaly, 2024 jylǵy sý tasqyny kezeńinde, sondaı-aq Qostanaı, Abaı oblystaryndaǵy aýqymdy tabıǵı órtterdi sóndirý kezinde volonterlerdiń qosqan úlesi aıqyn kórindi, dep jazady Egemen.kz.
Búginde Qazaqstan TJM kásibı qutqarýshylar men órt sóndirýshilerge naqty qoldaý kórsetetin 17 myńǵa jýyq eriktilerdi biriktiretin 136 volonterlik uıymmen ózara is-qımyl jasaıdy. Jyl saıyn TJM bazasynda 2 myńǵa jýyq volonterlik qozǵalystardyń basshylary men úılestirýshileri oqytýdan ótedi.
Úkimet volonterlik qozǵalysty damytýǵa baǵyttalǵan Ulttyq is-sharalar josparyn bekitti
Jalpy, TJM volonterlik uıymdarmen birlesip jumystardy úsh negizgi baǵyt boıynsha uıymdastyrady:
Tabıǵı apattar kezinde zardap shekkenderge kómek kórsetý (onyń ishinde gýmanıtarlyq qoldaý); TJ zardaptarynyń aldyn alýǵa jáne joıýǵa qatysý; Habar-osharsyz ketken azamattardy izdeý boıynsha izdestirý-qutqarý jumystaryn júrgizý.Oqý-jattyǵý polıgony bazasynda uıymdastyrylǵan TJ salasyndaǵy birinshi Respýblıkalyq volonterler forýmyn ótkizý, sondaı-aq «TJ volonterligi» paneldik sessııasy sheńberinde Halyqaralyq volonterler forýmynda otandyq tájirıbeni tanystyrý mańyzdy qadam boldy.
Volonterlerge arnalǵan jańa platformalar qurylady
Stıhııalyq volonterlikten júıeli daıyndyqqa kóshýge erekshe nazar aýdaryldy. 2024 jyly Qostanaı oblysynda avarııalyq-qutqarý quralymdarynyń standarttary boıynsha mamandandyrylǵan oqytýdan ótken mobıldi eriktiler toptaryn qurý boıynsha pılottyq joba iske asyryldy.
О́tken jyldan bastap mundaı toptar elimizdiń barlyq óńirlerinde quryldy, bul tótenshe jaǵdaılarǵa den qoıý kezinde úılestirýdi arttyrýǵa jáne táýekelderdi azaıtýǵa múmkindik beredi. Bul joba Azııadaǵy ózara is-qımyl jáne senim sharalary jónindegi keńestiń (AО́SShK) Volonterlik qozǵalystar kóshbasshylarynyń sletinde usynyldy jáne Volonterlikti damytý men qoldaýdyń 2024-2026 jyldarǵa arnalǵan jol kartasyna engizildi.
Qasym-Jomart Toqaev Volonterler forýmynda sóz sóıledi