Energetıka mınıstrligi Teńiz ken ornynda óndiristik operasııalardyń qaıta bastalǵanyn málimdedi. Jedel shtabtyń málimetine sáıkes, búgin saǵat 03:35-te alǵashqy uńǵyma sátti iske qosyldy, dep habarlaıdy Egemen.kz.
Energetıka mınıstrliginiń málimetinshe, qazirgi ýaqytta 5 uńǵyma paıdalanýǵa berildi.
«Teńizshevroıl» kompanııasynyń tehnıkalyq qyzmetteri kelesi toptyq ólsheý qondyrǵysyn iske qosýǵa daıyndyq jumystaryn júrgizip jatyr. Munaı óndirý kólemin arttyrý júıe parametrleri turaqtandyrylyp, óndiristik prosesterdiń tolyq qaýipsizdigi qamtamasyz etilýine qaraı kezeń-kezeńimen júzege asyrylady», delingen habarlamada.
Buǵan deıin, 26 qańtarda Ekinshi býyn zaýyty sátti iske qosylǵan bolatyn. Onyń jumysy qazirgi ýaqytta jumys istep turǵan Korolev ken ornynan jetkiziletin shıkizatpen qamtamasyz etilip otyr.
Baký-Tbılısı-Djeıhan arqyly 1,3 mln tonna munaı tasymaldandy
Energetıka mınıstrligi men «QazMunaıGaz» UK» AQ jobanyń josparly qýattylyqqa qysqa merzimde shyǵýyn qamtamasyz etý maqsatynda operatorǵa jan-jaqty qoldaý kórsetip otyr.
Qalpyna keltirý jumystaryn úılestirý úshin óndiristik nysandarda tikeleı Energetıka vıse-mınıstri Qaıyrhan Tutqyshbaev jumys júrgizip jatyt. Jaǵdaı turaqty baqylaýda, basty basymdyq – ónerkásiptik qaýipsizdiktiń qatań talaptaryn saqtaý.
Aıta keteıik, 18 qańtarda Teńizdegi zaýytta transformatorda órt shyqqan. Osydan keıin ken ornyn ıgerýshi operator – «Teńizshevroıl» qaýipsizdik hattamalaryna sáıkes munaı óndirýdi ýaqytsha toqtatty. Osyǵan baılanysty Qazaqstan Energetıka mınıstrliginiń arnaıy komıssııasy Teńizdegi munaı óndirisiniń toqtatylýyna baılanysty tekserýdi bastaǵan edi.